黃友成日想博出位，不過通常都係好快就被拆穿！上月21日，元朗有電纜橋爆炸起火，導致元朗、屯門、天水圍大停電。直到25日，地下組織Black Bloc發布咗一段影片，疑似承認責任。中華電力昨日（6日）向政府提交報告，指事故或涉及電力裝置故障，現階段冇證據顯示有人為破壞，Black Bloc承認責任影片即時變成笑片！

Black Bloc嘅影片以「朗屏縱火」為題，片中主角戴住V煞面具，聲音經過處理。該人話「中電並唔係我哋主要嘅目標，而我哋真正嘅目的亦已經達到」，聲稱「中電打住政治中立的旗號」，又話中電高層撐《國安法》，聽來似係宣洩不滿。佢聲稱要透過行動證明佢哋喺「香港民族嘅先驅」，恐嚇話「行動將會不斷升級」，更煽動其他人「諗吓自己點樣為香港作戰」、「為光復之路鞠躬盡瘁」云云。呢個組織擺明係想借事件搏出位，想令黃友覺得佢地搞到場「大龍鳳」好勁，甚至以此威脅政府添！不過根本搞唔起咩浪，事隔半月，就被中電嘅報告「啪啪」打臉囉！

據中電報告，目前初步估計起火原因係橋內高壓裝置或機電設施出事，會循此方向作繼續調查。機電署表示會繼續跟進事件，並會監督中電盡快完成改善措施，以免發生同類事故。

反中亂港組織想借機抽水，以為可以攞威，點知被報告揭穿真相，即時淪為搞笑小丑！老實講，黃友啲行為有時真係幾好笑！

原圖：星島日報

https://std.stheadline.com/realtime/article/1849214

https://www.singtao.ca/5852566/?variant=zh-hk