人只要肯從低做起，就會有機會成功！英皇娛樂集團營運總裁霍汶希（Mani）早前接受《你好，香港》微紀錄片訪問，佢同大家分享咗她北漂11年嘅感受。

Mani認為當時其經理人板塊已經愈趨成熟，係時候擴展版圖：「好想去一個更加大嘅地方、更加大嘅市場，去睇吓人哋嘅文化，睇吓人哋嘅發展。我好希望將香港嘅文化，去同內地咁大嘅市場一齊融合交流，呢個係我好想做嘅嘢，咁就去咗北京。」

回想起當年「上京」，公司都只係租回來。當佢第一次她中踏入辦公室時，乾淨得一塵不染：「我張枱好乾淨、塵都冇，得一支筆，我突然間好感慨，你明唔明白呀？又覺得我有冇咁嘅能力，可以從一支筆開始慢慢去建立？呢個時候我係有啲迷惘，但係我都仲係好有信心。」

喺香港都唔駛親自落場處理事情嘅Mani，到內地卻變成一張白紙，所有嘢都要從新學習，放下身段從低做起：「我唔識製作，所以我去跟組，我同自己講，『你就從低做起』。執垃圾、買飯盒……從每一個部門、每一個唔同嘅工種裏面開始觀察，點樣去控制成本，先知道電影製作背後原來係咁多人力物力去產生出嚟。」

從北京工作的頭幾年嘅經驗，佢學到要堅持信念同要相信自己，要努力工作，做一個好榜樣，令鍾意佢同嘅俾機會佢嘅人都唔會覺得失望。

香港人要想在內地發展並取得更多機遇，就需要致力把中港經驗融會貫通，先至可以闖出一片更大嘅天空，創出更多嘅機遇！支持妳！

原圖：霍汶希微博視頻截圖