最近極受歡迎嘅綜藝節目《聲生不息》，最新一期係用「香港回歸25周年」做主題嘅「港樂與我共此時」特輯，特地請咗多位愛國愛港嘅名人，包括譚詠麟、張明敏、鄭國江、歐陽震華、李亞男、霍啟剛和郭晶晶做嘉賓。

一向幫體壇出心出力嘅霍氏夫婦啟剛同郭晶晶，同大家分享佢哋嘅「奧運回憶」，當中提及到2008年北京奧運，霍啟剛更加話郭晶晶係佢最大嘅驕傲，氹到老婆笑到甜絲絲。

郭晶晶亦表示，能夠喺自己主場贏得奧運金牌，意義絕對唔同，所以都激勵佢下定決心，再參加多一屆奧運會。佢亦好慶幸自己可以喺運動生涯最高峰嘅時候參與自己國家舉辦嘅奧運會。

另一個嘉賓張明敏，除以錄像形式分享當年參與清華大學九七回歸show ，與香港同內地大學生合唱嘅難忘經驗之外，亦壓軸出場同劉惜君、林曉峰合唱「我的中國心」，別具意義。

麥長青亦有分享佢之前喺廣州做抗疫義工嘅經驗，以及向各位就救急扶危嘅醫護致敬。

香港回歸25周年紀念日將至，中國人同心同根，我哋要齊心協力，令中國更加富強，國民更加團結，大家一齊努力！

原圖：文匯報、新華網

https://www.wenweipo.com/epaper/view/newsDetail/1541128114904633344.html

http://www.xinhuanet.com/photo/2018-08/08/c_1123237629_5.htm