今晚開始，有個全新電視節目，可以畀大家全方位了解香港究竟有幾威威！為慶祝香港回歸，TVB特別炮製「香港回歸25周年慶獻禮」，其中今晚10點半首播嘅、洪永城主持嘅全新節目《香港25個第一》，就可以從香港多個第一嘅威水史中，令市民了解更多香港嘅內涵！睇完之後，大家肯定對香港更加引以為傲！

香港雖然地方細細，但係卻締造咗好多個「第一」的傳奇。節目會講及香港嘅好多個「第一」：基建第一、財富第一、長壽第一、燒味第一、轉數第一、全民慈善第一、勤力第一、龍虎武師第一、旅遊第一、夜景第一等⋯呢25個第一亦將香港、內地和世界連接一齊，同時亦代表住香港人遇強越強、不屈不撓嘅精神，致力創造出更多個第一傳奇！

第一集洪永城就揸住架靚靚開蓬跑車，為大家介紹一下香港嘅「基建第一」！期間會途經青馬大橋、汲水門大橋、汀九橋、昂船洲大橋，為大家介紹一下呢啲將香港無縫連接一起嘅基建項目。另外亦會到訪另一個世界第一嘅基建，被譽為「橋界珠穆朗瑪峰」嘅「港珠澳大橋」，會帶大家參觀一下港珠澳大橋香港接線同機場旁邊人工島嘅香港口岸旅檢大樓，一齊探討興建過程同曾面對嘅困難。

香港亦作為天際線Skyline最高的城市之一，洪永城亦都會帶大家到香港最高嘅「環球貿易廣場」欣賞香港景色。從最高處俯瞰香港，深入了解呢個歷時10年、動用超過一萬人力嘅超級工程，見證香港人如何突破空間限制嘅思維與能力。

咁多香港嘅威水史，相信大家都一定唔會錯過啦～記住，由今晚開始，《香港25個第一》逢周四周五夜晚10點半TVB有得睇！

原圖：洪永城FB、影片截圖

https://www.facebook.com/photo.php?fbid=554904769325129&set=pb.100044168324303.-2207520000..&type=3

https://www.youtube.com/watch?v=Xu8sWvd5TXk