港足剛剛踢完亞洲盃外圍賽，卻受疫情侵襲！香港足球總會今日（16日）凌晨公布，港足代表隊前日（14日）喺印度完成亞洲盃足球外圍賽，翌日（15日）轉往泰國休息，但同日上午喺進行新冠測試準備返港時，發現有9名球員、3名職員確診新冠肺炎，故目前要喺泰國進行自我隔離。
據報道，目前未有中招的球員，將會如期回港，當中包括杜馬思、黃威、劉學銘、羅梓駿、鞠盈智、余在言、簡嘉亨及伍瑋謙。早於月初抵達印度時，已經有5名港隊成員確診新冠肺炎。
港隊啱啱以2勝1負嘅成績，成功從小組出線，晉身明年嘅亞洲盃決賽周，令港隊繼1968年後，終於可以再次殺入亞洲盃決賽周。希望確診嘅職球員早日康復，成隊人好好休息，喺亞洲盃繼續努力！
原圖：香港足球總會Facebook
https://www.facebook.com/HKFAofficial
投票已截止，多謝支持
返回
