俄烏之戰曠日持久，雙方交戰逾百日至今戰事依然膠着。有論者引古人說「能知三日事，富貴萬千年」！原來真正洞悉先機嘅係中國。皆因從去年開始，中國已開始大量囤積小麥、粟米。中國果然利害，豈止「能知三日事」？
成個世界立立亂！德國國會不久前決定批出高達1000億歐元，即大約8400億港元嘅特別國防基金，幫助重建冷戰結束後，多年遭忽視嘅德國軍隊，提升國家防禦力，令德國從全球排名第7嘅軍費支出國，一躍僅次於美國和中國嘅第三大軍費開支大國。德國總理朔爾茨形容係「量子級飛躍」。
德國擴大軍事， 當然有野心，卻又擺俄羅斯上枱，說是對俄羅斯入侵烏克蘭嘅回應！明明兵兇戰危，不詳之兆，卻說是「量子級飛躍」！世界太亂了，國有錢可亂噏？
不久前，美韓軍演，北韓不值其架勢，乃向朝鮮半島東部海域連射至少8枚短程導彈回應挑戰！翌日，美韓對等反制，向朝示威又試射8導彈，彼此互相炫武揚威！阿哥，唔係增加軍費就係互射導彈，你話喺咁嘅環境，人民又怎可能有好日子過？
俄烏之戰，筆者喺四月中已指出，普京並沒有興趣與烏克蘭總統澤連斯基直接會晤，彼此「和談」，看局勢似乎相當渺茫。俄烏戰事走向無法預測，唯一可以肯定的是，戰事愈拖愈長，受苦的平民必愈多，不是嗎？平民百姓死傷枕藉，目前已有數百萬難民外逃。去到呢刻，筆者斗膽說烏克蘭必敗，皆因澤連斯基一味求乞美國及歐盟，獅子開大口又要龐大資金及武器援助，否則打唔贏俄羅斯云云。
基於「長貧難顧」鐵律，加上俄羅斯已經改變戰略，「要令烏克蘭滴盡最後一滴血」，且其超音速導彈所向披靡，可以肯定，烏克蘭遲早都要投降！
美國制裁俄羅斯，普京冇有怕！大家有目共睹，俄羅斯貨幣盧布，喺西方集團制裁其金融系統過咗一百日之際，已經明顯轉強，與西方集團原先預期俄羅斯被制裁、盧布崩潰嘅理想情景相反！原因之一係俄將糧食黑市買賣換取咗可觀外匯收入，主要係秘密將烏克蘭嘅小麥出口獲利。普京好嘢在「挾石油、糧食以令歐美」！其策略報捷，意味俄羅斯被制裁但其外匯「金庫」仍穩如泰山！
嗱！俄烏戰事若打至秋冬，除咗全球經濟衰退外，糧食危機亦大大增加！受害嘅依然係烏克蘭窮人！澤連斯基如果有惻忍之心，應該唔好厚着臉皮乞錢乞武器，誠心與俄羅斯談判吧！否則舉國滿目瘡痍，生靈塗炭，何必再逞強想做英雄？

原圖：Zelensky Twitter 、無綫新聞截圖
https://twitter.com/ZelenskyyUa/status/1495137085501714435/photo/1