支聯會雖然摺埋咗，但嗰班常委仲未死心，繼續趁機搞事！前日（4日）「六四事件」33周年，前支聯會常委趙恩來拎住鮮花出現喺維園附近，期間被警察截查並驅趕離場。警察要求佢將花放入背包，再將佢帶到銅鑼灣港鐵站離開。

趙恩來喺電台節目上話，自己只不過係返屋企途中路過，仲懶感慨咁話「而家掌握唔到警察嘅執法標準」，又老屈話有「白色恐怖」蔓延緊。佢聲稱當日同朋友食完飯打算返屋企，期間買咗6枝白玫瑰同4枝紅玫瑰想畀朋友，路過維園嗰陣突然想「懷緬一番」，結果就被警察截停搜查喇。

趙恩來仲話自己「無意參與或鼓吹違法行為」，不過以佢前支聯會常委嘅身份，仲專登拎住6枝白玫瑰同4枝紅玫瑰，佢係咪想趁機做啲咩就真係見仁見智啦。不過黃人嘅大話層出不窮，佢嘅所謂「解釋」大家聽住先啦，唔知你又信唔信呢！

原圖：趙恩來facebook

https://www.facebook.com/photo/?fbid=471208218133161&set=a.471208184799831