有啲人為咗同警隊過唔去，真係無所不用其極！警方為招攬更多人才，將會於是本月19日在警察學院舉行招募體驗日；日前，警方內部選拔的5名「警募大使」在見記者時卻發生一件插曲：「眼利」嘅網友留意在其中一名大使手腕上佩戴住嘅疑似係動輒過百萬的世界名錶Richard Mille，更喺網上發帖大肆討論，並質疑呢名警員是否觸犯「官職收入與財富不相稱」，實行一盆污水先淋為敬。

據了解，呢位「警募大使」係嚟自新界南總區衝鋒隊嘅曉輝，今年25歲，以前係前香港龍舟代表隊成員。為免謠言越傳越離譜，警方隨即作出澄清表示，曉輝手上戴住嘅係另一個牌子Stunt，價格連Richard Mille零頭都唔到，只係港幣3000幾蚊。

警方招募「警募大使」係為咗吸引更多有志者加入警隊，冇諗到會出現咁嘅插曲。用內地網絡用語來形容事件，就係：造謠一張嘴，闢謠跑斷腿！鍵盤戰士未經fact-check就喺度老屈、質疑新晉警員，雖然警方立即闢謠，但相信唔少黃友都依然係會選擇性失明，扮睇唔到澄清，繼續喺度作故仔！但無論點都好，都一定要還警員曉輝一個清白！

原圖：星島日報、Richard Mille 
https://std.stheadline.com/realtime/article/1842507/
https://www.richardmille.com/collections/rm-65-01-automatic-split-seconds-chronograph