還有一個月鬆啲，末代港督彭定康就遠離香港25年之久，但佢依然戀棧昔日喺香港「呼風喚雨」、胡作非為嘅時光，呢廿幾年嚟依然時不時打打嘴炮，干涉香港嘅事務。呢，佢又發噏瘋咁話候任特首李家超係靠打壓黑暴「上位」，對於經濟同社會政策就不通。有網民就睇唔過眼，直擊其要害：你靠抽香港水，延續政治生命！言簡意賅，一句搞掂！

彭定康係喺一個名為「Project Syndicate」評論網站寫文章講上述言論嘅，佢仲話李家超喺2019年處理黑暴事件時對話都冇，直接就用催淚彈、水炮車同橡膠子彈。佢可能冇認真睇新聞，當時啲暴徒有冇畀機會政府對話先？屈得就屈！

彭定康仲批評埋梵蒂岡，話梵蒂岡只係「關注」陳日君被捕，並無進一步表示。佢呼籲西方國家除咗關注烏克蘭局勢，仲要繼續留意中國打壓香港自由同法治。

其實乜嘢就係你哋做就得，其他持不同立場嘅國家做就唔得，選擇性咁維護公正。彭定康已經遠離政壇咁多年，只能夠靠炒吓冷飯，發表啲「偉論」嚟吸引眼球，但其實大家都應該知佢已經係一位過氣政客，講咩都係得啖笑！

原圖：星島日報

https://std.stheadline.com/daily/article/2369881/

https://std.stheadline.com/realtime/article/1537522/

https://std.stheadline.com/realtime/article/1342421/