炎明熹（Gigi）雖然人氣高漲，但依然謙虛務實，我哋作為歌迷，一定撐妳！因參加內地音樂節目《聲生不息》而人氣急升嘅炎明熹，喺內地可謂係日日增粉。最近就連官媒《環球時報娛評》都邀請佢，聯同組合「魔動閃霸」一齊開直播，同內地網民嚟個直接互動，讓更多人感受到佢最真實嘅一面。

外號「火星人」嘅Gigi，喺直播當中相當可愛，不停搵梳去梳齊個劉海，仲即場唱近日喺內地再次hit爆嘅王心凌首飲歌《愛你》，唱得非常好聽、有水準。用實力證明，佢已經擁有唔使後期調音的實力！

Gigi 表示，參加《聲生不息》呢個節目令佢獲益良多，可得自己長大咗、成熟咗，仲聰明咗！佢仲話，同前輩楊千嬅做埋好朋友，同前輩多咗互動，多咗了解，千嬅教識佢好多嘢，「之前我哋話唔太熟，但因為合作就多咗傾談了解，知道佢之前做護士嘅經歷。」

講起第一首接觸嘅香港歌曲，Gigi話就係李克勤嗰首《月半小夜曲》，係當年爸爸帶佢去唱K時唱嘅；而自己唱嘅第一隻歌係陳慧嫻嘅《千千闕歌》，因為親戚攞咗來做電話鈴聲，所以特別熟悉。

年紀輕輕嘅炎明熹作為香港樂壇新一代，可以話已經靠唱歌功力打開一片天，除咗唱功了得之外，為人亦非常謙厚有禮，表演真摯動人，絕對係香港樂壇新人嘅佼佼者！

原圖：炎明熹微博

https://weibo.com/u/7426493874?tabtype=feed&layerid=4772734418027982
https://weibo.com/7426493874/LtTzun5QU