為人師表，竟喺課堂上睇鹹片，實在枉為人師！日前，位於秀茂坪的女校梁式芝書院，被傳媒踢爆有一名趙姓男教師，竟然喺課堂上公然觀看「4P鹹片」，仲離譜到錯手將影片投影到課室電子屏幕，讓同學們焗睇鹹片長達數分鐘，更核突嘅係，呢位淫師仲有生理反應！呢件事瞬間震驚全港，教聯會昨日（20日）發表聲明，促請教育局跟進，如事件屬實應釘牌！

教聯會指出，涉事男老師嚴重違反教師專業操守，嚴重損害教師形象，理應受到譴責及懲處，絕不能姑息，要求教育局嚴肅徹查。

梁式芝書院昨日在其網站發布通告指，指校方上周五（13日）收到該名趙姓教師報告，教師對其所作所為如實作答。該名教師向校長和副校長承認犯錯，並向校長請辭，校長在徵得校監同意下，接納其請辭，即日生效。校方表示已立即向受影響學生提供輔導及支援，若有需要，校方會盡力配合警方調查。

劣質教師在香港沒有存在價值，絕不能繼續容忍任何素質低劣嘅教師從事教學工作！否則不單止係對教師呢個神聖職業嘅褻瀆，更加係對莘莘學子嘅不負責！懇請教育局一定要嚴肅跟進，給全港市民一個交代！

原圖：梁式芝書院

https://lscc.edu.hk/