相信大家都知道，黃藝人杜汶澤一向以臭口見稱，喺香港生活時，成日話中國香港冇言論自由，卻又經常喺社交媒體上也文也武，高談闊論國內及本港政局，以一把賤嘴抹黑政見不同者，並多次表態支持「手足」，成為黃營最高調嘅撐暴藝人代表之一，卻又偏偏唔使上身，喺「手足」們鋃鐺入獄之際，佢拍拍籮柚就飛咗去台灣梳乎，扔下一班「手足」喺香港找數。

眾所周知，2019年之前嘅杜汶澤，喺演藝圈愈撈愈霉，既難以喺香港立足，更無法進軍內地市場，佢只能靠政治掛帥，天天罵藍撐黃，先得以苟延殘喘；直至2019年反修例暴亂，杜汶澤頻頻表態撐暴，總算迎來佢「演藝事業」上嘅一個小巔峰，成為「手足」爭相吹捧嘅對象。

但好景不常，黑暴息微或者令杜汶澤明白到已經唔可以再靠本來嗰一套搵食。佢到台灣定居之後，隨即轉移目標市場，一改以往臭口嘅負面形象，竟然開始行起正能量路線，出盡奶力咁讚台灣呢樣有幾正、嗰樣有幾好，更聒不知恥咁以所謂「正港台灣人」自居。由呢一刻開始，杜汶澤嘅「財富密碼」已經唔再只係如何支持一眾「手足」，更重要嘅係如何取悅台灣人，大家喺王喜事件中就可以睇得到，杜汶澤如何卑微地安撫台灣人，驚死得罪台灣人咁款。

要賺盡「手足」最後一蚊

內地有位叫伏拉夫嘅外籍網紅，常以讚揚中國為拍片題材，獲得可觀流量，被內地網民嘲諷為「財富密碼」；有黃友就睇唔過眼杜汶澤家陣成日刷台灣鞋，戲稱杜汶澤係「杜拉夫」，不過杜汶澤當然懶理，繼續搵食行先，更唔會輕易放棄在港「手足」嘅荷包，趁自己喺黃營中尚有些少影響力，推出自家品牌嘅產品賣返去香港，勢要賺盡「手足」最後一蚊。

有人話杜汶澤係為咗「自由」而移居台灣，如果你以為指嘅係「言論自由」，咁就真係大錯特錯喇，相信「財富自由」先係佢嘅真正目的。如今見到杜汶澤喺台灣抬唔起頭做人，愈活愈卑微，果真係「自由」不要臉！

原圖：杜汶澤Facebook圖片、截圖

https://www.facebook.com/photo/?fbid=2536619093138656&set=a.111122362355020