前年因7.1遊行干犯「煽惑他人參與非法集結」罪而被判囚10個月嘅社民連成員曾健成（阿牛），於今日上午約9點半行出赤柱監獄，結束其牢獄生涯。

阿牛行出監獄嘅時候，手上揸住寫有「陽光總在暴雨後」嘅標語同埋一幅有「撐住」字句以及繪有支聯會副主席鄒幸彤容貌的畫作。佢對住傳媒大呻，雖然佢七除八扣完，其實只係坐咗7個月，但坐監真係好痛苦嘅事。佢仲話，同因為反修例黑暴事件受到重判嘅手足相比，佢嘅刑期只係微不足道。有啲手足淨係扣留嘅時間，都比佢正式服刑嘅時間仲要長。

以民運及保釣運動起家、向來聲大夾惡嘅阿牛，搖身一變成為虔誠信徒，佢話希望主可以賜予新一任特首智慧，修補過去呢幾年嘅黃藍絲之間嘅矛盾，修補社會裂痕咁話喎。其實製造矛盾、造成社會撕裂嘅咪就係佢哋呢班攪屎棍？

說好的「坐監讓人生更精彩」呢？睇嚟黃政棍們都係習慣咗口講一套，做又另一套啦！為咗佢哋心裡面真正堅持嘅嘢，又點會痛苦呢？

原圖：星島日報

https://image.stheadline.com/f/1500p0/0x0/100/st/29630c29ffe5e4a7caba27f00738d0cb/stheadline/inewsmedia/20190112/_2019011215550131155.jpg