無論文官、武官，能治好香港嘅就係好官。

唯一候選人李家超篤定成為下一屆新特首。李家超喺上月29日發表政綱四項要點。事實上，任何政府新上場，都離不開民生經濟，尤其房屋問題。李家超自亦難免，佢四大政綱包括：提升政府管治能力、土地房屋提速提量、全面提升香港競爭力，以及建立關愛社會並且重視青年發展。

舊政府予人「管治無能，靠害市民」，例子可謂俯拾皆是，最不堪係第5波疫慌，鬆弛無度，尤其院舍爆疫，處理不當，致使老人家喺疫慌中死得人多，這是特區政府不得不承認嘅事實。是以新政府在其政綱把政府「管治能力」列於首位，筆者覺得十分到位。

為政不在多言，現屆政府是否「交出了一張亮麗的成績表」，筆者相信市民心裏有數，並非官僚自吹自擂，自己說了算！

呢，《國語‧晉語四》有一則記晉文公問大臣郭偃：開頭我以為治理國家很容易，如今卻覺得愈來愈難，未知為何？

郭偃答之：主公以為治理國家很容易時，做起來自然會愈來愈難；主公覺得做起來很難時，只要一直做下去，慢慢也就會覺得容易了。

郭偃所言，亦孫中山所言「知難行易」。換成今天嘅話，亦即國內強調的「責任文化」。內地強調嘅係「知責於心、擔責於身、履責於行，敢於直面問題」。李家超為阿爺所器重，筆者相信都係睇中佢有呢種「責任文化」！有論者指現在廚房準備更換新爐灶新班子，不管走的是高級餐廳、平民食肆或廚師發辦路線（私房菜），端出來嘅菜式應該對準食客脾胃，讓大家吃得愜意又放心！

筆者認同要令食客「吃得愜意又放心」，其實也就是務實作風，少啲官僚作風，切忌「少做少錯，不做不錯」嘅心態，亦即為市民服務要有責任心，切忌知錯認錯卻不改錯！簡而言之，即煮餸燒菜咪一味拋鑊為吸睛，只要端出來嘅撚手小菜，夠火喉、調味得好，端上來香噴十里，唔使多講，食客聞香下馬，胃口大開，何需自我臉上貼金？

「小二，再給我來一壺女兒香，燒幾個下酒菜來！」這樣的新爐灶，相信不單筆者期盼，市民大眾必也熱切期待！

原圖：李家超facebook、頭條日報

https://www.facebook.com/photo.php?fbid=111788588184418&set=pb.100080598302537.-2207520000..&type=3

https://hd.stheadline.com/news/realtime/hk/2104617