對於前日（6日）美財長耶倫（Janet Yellen）與美副國務卿舍曼（Wendy R. Sherman）的涉台言論，中國外交部鬧爆，直指美國偷換概念！

美財長耶倫前日話，如果中國大陸採取武力手段「侵略」台灣，美有能力同決心采取同制裁俄羅斯侵略烏同樣嘅行動。同日，美國副卿舍曼亦講咗類似嘅嘢，佢話，中方應該從西方喺俄烏問題上嘅協調反應中吸取到啱嘅教訓，意思即係：中國如果採用任何武力，意圖「奪取」台灣嘅都唔會被國際社會接受。

外交部發言人趙立堅表示，世界上只有一個中國，而台灣係中國領土，不可分割。台灣問題係中國內戰嘅遺留問題，呢個係中國內政，任何國家都冇權干涉。

趙立堅仲話，美國有啲人故意將台灣同烏克蘭呢兩個有本質唔同嘅問題相提並論，企圖偷換概念。咁樣係喺度玩緊火，玩火者必將自焚。

老美好明顯係喺度偷換概念啦，台灣係中華人民共和國嘅一部分，而烏克蘭係一個獨立主權國家，本身已經唔係同一樣嘢，美國專登擺埋一齊講，都係有啲醉翁之意不在酒嘅意思，唔係真心關心烏克蘭，係借烏克蘭嚟打台灣啫。使唔使畫公仔畫出腸先？

原圖：Janet Yellen、Wendy R. Sherman Twitter

https://twitter.com/DeputySecState/status/1509997275795402753/photo/1

https://twitter.com/SecYellen/status/1510000525810487308/photo/1