紅塵陌上，亂世求生，常有駭人聽聞之事！

這「駭人聽聞」，大抵可解作吃驚，不敢相信，驚掉下巴的意思。

原來，還有「駭人視聽」一詞，出自《隋書．王劭傳》，王劭此人，係北齊、北周和隋朝初年做過官。呢條友善於拍馬屁，投當權者所好，常假託圖讖散布荒誕嘅童謠，或謊報異象。譬如有一次，佢跑去見隋文帝，話畀佢知某處捕獲了一隻神龜，神龜腹部有「天下楊興」呢幾個字，只可惜捕龜者太不小心，讓神龜跑了！

阿哥，拍馬屁以迎合上意、得歡心至此，難怪當時的人都看不起他，尤其覺得佢人品低劣！壞人心術。各位，筆者之所以諗起「駭人聽聞」和「駭人視聽」呢兩個詞，皆因看了一則關於美國前總統特朗普的報道。

話說呢位口沒遮攔嘅特朗普早前出席一個共和黨金主聚會時，開玩笑說美國應把F22戰機塗上中國國旗再轟炸俄羅斯，然後宣稱係中國所為。呢則特朗普駭人聽聞嘅說話，係《華盛頓郵報》取得佢係聚會時嘅錄音。佢覺得咁做，中俄就會內訌，「我們只需坐着看戲」，佢嘅一番言論，據云引來現場金主大笑！

俄羅斯和烏克蘭的戰事，中國國務院兼外長王毅表示，烏克蘭局勢是國際當前最關心的問題，中國始終本着客觀公正態度，根據事情本身的是非曲直獨立自主地作出判斷。他強調，中俄關係具有獨立自主價值，建立在不結盟、不對抗、不針對第三方基礎之上，更不受第三方的干擾和挑撥。中國嘅標準始終如一。

事實上，俄烏戰爭以來，大家都睇到，無數之前標榜中立、自由民主嘅西方國家，突然如李湮博客所指出：反戰都有雙重標準，更可怕是露出強盜本色，藉着戰爭嘅藉口，大舉掠奪遍布全球嘅俄羅斯民眾的財富！一直強調自己是「永久中立」國家嘅瑞士，突然撕下偽善面具，話要跟隨西方各國一起參與「製裁」俄羅斯的各種計劃！實際如狼似虎，連俄羅斯企業家、民眾存係瑞士銀行嘅財產，也沒收凍結，其所作所為，確實駭人聽聞！

瑞士率先搶錢，接下來德國、美國、英國、法國、意大利莫不如此，展開掠奪行動！認真駭人聽聞！一切文化、藝術、體育、科技、民主、自由，所謂的信仰，在一埸俄烏戰爭中，徹底撕破了「神聖面具」，露出強盜本色！而特朗普的卑鄙，更是美國這個經常喊着「自由民主」人權大國的恥辱！如此賤格，佢仲話要捲土重來競選下任總統，不駭人視聽嗎？

原圖：素材圖