2019年黑暴亂港，猶記得當時黃黑份子提倡同香港「攬炒」，當時仍係港大法律系副教授嘅戴耀廷更曾喺現已收檔嘅《蘋果日報》上明明白白咁寫低所謂「攬炒十步」。當然，去到今日大家都好清楚，「攬炒」詭計隨即暴斃，黑暴勢力更係分崩離析。

由字面上去理解，「攬炒」即係「玉石俱焚」、「同歸於盡」，黑暴一度妄想通過令香港政經崩潰，從而達到打擊中共嘅目的。喺黃黑勢力眼中，中央推行《港區國安法》、「完善選舉制度」等，都係破壞緊香港政經環境嘅舉措，勢必引致外國勢力制裁中港、資金撤離等後果。

但事實如何？因為《港區國安法》，黑暴勢力陷入絕境，大小頭目唔係走佬就係坐監；因為「完善選舉制度」，攬炒派再無緣參政，議會從此只有愛國愛港者。呢一切都反映緊，似乎黃友只係搬石頭砸自己的腳，至於所謂外國制裁，乜大家真係見到有任何實際影響？

不過黃友繼續自欺欺人，近日有報道引調查指，唔少歐美公司同外籍人才逐步撤出香港，原因之一係香港「吸引力下降」，黃友一睇就high爆了，話呢啲就係攬炒嘅功勞喎。但明眼人都知道，根本原因係新冠疫情未平，外籍高層難以到港履職，加上香港防疫政策嚴荷，打擊金融機構部署，而香港確實抗疫不力，咁就梗係吸引力下降啦！

嚟到2022年，一班作為社會失敗者嘅黃友，仍然可以自娛自樂，沉醉喺自己黃圈內嘅世界中，互相圍爐取暖，自以為有影響力，呢啲就係超越咗傳統「阿Q精神」嘅「阿黃精神」喇！

原圖：星島日報

https://std.stheadline.com/realtime/article/1264067/