疫情嚴峻，幼稚園、小學終提前14日（即本周五）停止面授，而接種科興疫苗將擴展至5至11歲兒童，相信有助「谷針」。而最令筆者感欣慰，係政府今次反應算快，因應晚市禁堂食，又逢歲晚，此舉令人百業打柴，老闆和打工仔莫不叫苦連天，政府適時啟動第5輪防疫抗疫基金，支援受到新一輪措施影響嘅處所。呢方面值得一讚！

第5波疫情出現愈來愈多本地個案，而緊密接觸者也愈揭愈多，香港這第5波疫情要持續到何時，暫時恐怕專家也說不得準。呢，張竹君醫生亦表示，由於Omicron 嘅潛伏期較短，當局決定日前（10日）將縮短本地個案嘅密切接觸者嘅隔離要求，由21日改為14日，再於家中自我監測7日，期間可以外出。

記者不停追問張竹君縮短至14日是否有科學根據，又問竹篙灣檢疫中心是否「夠用」？張竹君指日前仍有900多個單位，但名單上有800多人等候送檢，因此係「幾乎無位」。至於Omicron 確診者嘅密切接觸者只需隔離14天，Delta嘅潛伏期較多低於14天，而今社區較流行Omicron 變種病毒，相信風險不大。

眾所周知，Omicron 傳播力實在太勁！全球疫情持續升溫，據外媒統計，由今年1月1日至7日間，全球平均每日新増愈210萬病例，即使防疫算嚴格嘅澳洲，亦曾出現每日10萬宗，比流感強不知多少倍，筆者已移民澳洲嘅親朋戚友，亦告知澳洲政府都呼籲民眾，非重症者切勿到醫院，自己在家隔離可也。香港因應疫情擴散嚴峻，由21日隔離下調至14日，亦迫不得已！

港人習慣聽專家權威「指導」，不過，近排專家亦改口，指Omicron 潛伏期一般3至5日，又基於竹篙灣檢疫中心床位緊張，「下調」至14日可以接受。香港有些専家一時一樣，並且持雙重標準，吾人亦見怪不怪。據國際間嘅共識，亦以14天隔離期最合情理，其標準數值係2020年疫症初期追蹤非變種病毒所得嘅結論。專家其後發現Delta變種病毒潛伏期比原先嘅病毒為短，好多國家亦相應調短隔離期。新加坡政府喺2021年9月，因應疫情將隔離期更新為10日。是以港府下調至14日，「中間落墨」，應可以接受。當然，如果又出現超級變種病毒混種，屆時恐又要因應調整喇！不過，這是後話。

原圖：星島日報
https://std.stheadline.com/realtime/article/1436237