香港盛產「反骨仔」！

一個最明顯嘅例子，就係被保安局局長鄧炳強怒罵「現代漢奸」、「叛徒」、「懦夫」嘅羅冠聰。咁又難怪，條友不久前係美國舉行嘅「民主峰會」獲主子邀請發表演說，佢話：香港喺中共治下淪為專制警察城市，促請國際社會採取行動對抗中共威權喎。

事實上，香港若然真係「淪為專制警察城市」，佢咁易高飛遠走英美咩！羅冠聰1993年出生於廣東省深圳市，祖籍廣東省汕尾市。正如有論者指出，條友6歲跟阿媽來港，享受社會嘅福利，受教育至大學，前香港立法會議員、電競評述員。原本佢前途無限，香港對佢不薄，之不過，佢不但毫無感恩之心，竟選擇走上反中亂港嘅路。

羅冠聰在學期間，已經參與鼓吹公民抗命中嘅「佔中行動」，先後到美國參加「領袖訓練班」，又到加拿大呼籲政府向中方施壓，並聯合其他外國政府密切監察香港嘅人權狀況，包括派人到港實地觀察。條友喺國安法生效前，預先聞到風聲，立刻棄下戰友逃到英國申請庇護，其後被香港警察通緝。呢條友係典型嘅「叫人衝，自己鬆」！

歷史話畀大家知：反骨仔邊會同你講「義氣」吖！賣友求榮就大把，去到生死存亡時，佢就同你講「兒戲」！之不過，大家又唔使失望，歷史又話畀大家知，從來做漢奸都不會有好下場，忘恩負義、恩將仇報，飲水不思源嘅小人，會有好下場嗎？

各位，依家仍然喺赤柱監獄勤洗廁所嘅壹傳媒黎智英就係一個好例子！香港成就佢一生，佢由一個身無一文嘅窮小子，一變成為傳媒大亨，可惜人無善志，雖勇必傷！羅冠聰比起黎智英，更係小嘍囉一個！論者指，美國挑起中美新冷戰，給予現代漢奸遊走嘅空檔，伏乞主子要不要請人罵共產黨，美國有便宜可撿，又點會拒絕？之但係，講唔定中美關係幾時回暖，皆因冷戰不會冷到地球停轉，到時羅冠聰等人將會係最佳嘅交易籌碼。將通緝犯送交原地，堂堂正正，還不是個合法合理嘅順水人情咩？

古人說：「智者離路而得道，愚者守道而失路。」是的，聰明人懂得變通，已搵到更好嘅道路途徑；反之，愚笨的人死守着一條路，卻失去了可以通達嘅道路。正是：「身後有餘忘縮手，眼前無路想回頭。」可惜一切已經太遲了！黎智英係人辦！「現代漢奸」若然以為自己高飛遠走逍遙快活，就可口不擇言反中亂港，恐怕會變成「鹿死不擇蔭」嘅境況——一隻鹿要死嘅時候，身在哪裏便死在哪裏，再沒有時間去選擇一塊避蔭嘅地方來死！

筆者要敬告一切反骨仔，唔好不顧現實貪一時口爽每日發面書抹黑中共，貪一千幾百個like，始終得不償失。

原圖：