朋友傳來一個視頻，但見一個19歲黃人接受訪問大吐苦水，佢兩年前黑暴期間以難民身份逃去英國，發覺那邊嘅所謂「接濟」令佢備受冷落，自己去到山窮水盡、「極度貧窮」下，只餘幾百蚊港紙，尋求英國政府幫助，又被「不當人」看待，畀個竇你住，佢哋可以隨時上去亂咁摷，完全冇私隱不被尊重！

小黃人又指英國啲嘢好難食，真係好難食，佢記掛住香港啲燒賣！問佢有冇覺得後悔，佢就話：希望香港獨立，等佢有尊嚴咁返去！

淪落至此仍死不悔改

「人一黃，腦就__」，一啲都冇錯，淪落至此仲死不悔改！事實上，呢啲都係黃人一貫特色，譬如前香港眾志嘅核心人物周庭，當初因組織及煽動群眾非法集會、包圍警總被控。周庭受訪時，依然口響：「歷史告訴我們，當獨裁或極權政權被推翻時，事前無人能預計，這不是一年、兩年可以達成，甚至要數十年。」

之不過，周庭出獄至今，知道參與反中亂港係要承擔後果而不是「坐監令人生更精彩」，至今佢已經完全收晒聲。可見現實與理想，永遠都有一大段距離！

有啲黃絲在香港撈得掂，於是有個錢又移民遠走高飛。之不過，去到英、美、加等，還是利用社交媒體，日日大書特書唱衰中國和香港。佢哋完全不顧事實，只狂呻以前嘅「苦日子」，又數臭「極權」統治，中國有朝一日必傾頹云云。佢哋又無視美國嘅社會暴亂，例如不久前美國三藩市灣區嘅百貨公司、名店、超市等，被暴徒大肆搶掠，佢哋又唔覺得美國政府管治有問題！呢啲咪就係雙重標準作怪囉！

中國民眾對政府滿意度上升

嗱！呢啲黃絲至叻玩偏頗。佢哋一味散布對中港嘅仇恨，無視中國和平崛起。事實上，連哈佛大學早年發表嘅研究都指出，中國民眾對政府嘅滿意度不斷提升，老百姓對中央政府嘅滿意度更高達93.1%，呢個支持度遠比西方民主政體嘅國家高得多！試問如果不是人民生活得以大改善，中央又如何得到廣泛人民嘅支持？

呢啲黃絲居心叵測，「叫人衝，自己鬆」，真正卑鄙：自己逍遙法外，一味叫囂播毒害小黃人；小黃人被佢哋日以繼夜洗腦，以為「天滅中國」會來到，仲傻更更、天真到話想等「香港獨立」，先「有尊嚴」回港。蘆葦當大杉，只好一生一世做個「不被英國人當人看」嘅下等難民。

想食香港啲好味燒賣，下世投胎睇吓有冇機會啦！

原圖：星島日報

https://std.stheadline.com/realtime/article/1379001/