香港一度畀班黃絲搞到烏煙瘴氣，依家，班搞事黃絲喺搞完香港後，就鬧香港「無自由」，然後就想撒手不管，選擇移民外地，而且仲好高尚咁話，移民係為咗下一代喎！

黃圈近年大興移民潮，而會選擇移民嘅，大多都係黃到爆、仇中、反政府之人。佢哋點解要移民？佢哋口頭上大大聲咁話，「我移民係為咗下一代，我依家去到外國辛苦少少，我下一代就會過得舒服架啦！」講笑咩，其實你移民都係為咗自己，係你自己抗拒祖國、唔鐘意香港政府，而且天真咁諗，覺得外國總比香港「香」、覺得外國「好自由」！

所謂嘅移民為咗下一代，最終為嘅都係自己，筆者點解有咁嘅諗法？因為，如果你真係為咗下一代著想？點解唔喺留返香港？香港嘅黑暗時期已過去，開始迎接美好未來。香港喺背靠祖國嘅條件下，大灣區、北部都會區嘅計劃及發展都係對香港人有利無弊，香港嘅發展只會愈來愈好，而移民者選擇喺香港變得更好時走人，冇問題，不過，唔該你哋唔好再用「下一代」做藉口囉！

原圖：星島日報

https://std.stheadline.com/realtime/article/1371615/