美國的國運看來差到極。

拜登總統上台以來，抗疫依然冇招。從今年8月下旬以來，美國疫情數字跳増，一度回到每天有15萬確診病例和1,500死亡病例嘅疫情高峰期，相當於每兩天就遭受一次9.11恐襲。拜登抗疫不力，這是人禍。

至於天災，今年美國也深受其害。德州凍成冰棍、加州山火失控丶紐約和新澤西州被大水漫灌，加上原因未明嘅佛州塌樓事故，「死得人多」都讓拜登及美國人汗顏。

至於美國「負債累累」，國債規模遠超GDP，居然用咗一年半嘅時間，印咗200多年來所有美元的近一半，讓全世界來「背鍋」分攤通脹。

阿哥，美國嘅國運仲唔係差到極？咁點至算呢？有論者指國運取決於一個國家主事者、執行人、科學家、企業家，以及絕大部分國民嘅群策群力，萬眾一心，向一個正確方向走。美國睇來就係欠缺上下一心！

從2020年嘅疫情處理，美國和中國的高下立判。中國萬眾一心，迎難而上，為了人民生命安全，不惜代價，不計成本，將疫苗發展出來；當然，美國也有疫苗出來，但人民反對者也眾。從疫情的控制，已知美國「不行了」！

美國嘅國力已不佔壓倒性優勢。從阿富汗撤軍，已可見美國在外交上戰略收縮，苦心經營阿富汗20年，花費超過2萬億美元，最後失敗收埸！你話美國得到慘痛教訓，仲唔減少「海外足迹」咩？以前想打邊個就邊個嘅氣燄，恐怕難有呢隻歌仔唱咯！

呢，中國喺習近平主席領導下，提倡務實嘅「新型大國關係」，希望同美國建立「不衝突、不對抗，相互尊重、合作共贏」嘅關係原則；可惜拜登對華政策言不由衷，一直搞小動作，美國部隊已秘密訓練台灣軍隊至少一年！項莊舞劍，所為何事，路人皆知矣！

行文至此，筆者不得不佩服北韓領袖金正恩目光如炬，喺早前出席國防展覧會慶祝勞動黨成立76周年，佢喺會上發表講話時指出，美國近日頻繁地表示對北韓沒有敵意，卻沒有任何行為證據令人信服。北韓不斷加強軍事力量建設，既是革命時代的要求，也是北韓的責任。真係字字鏗鏘，句句紥實！

金正恩仲話，即使喺和平時期每個國家都應該保持強大嘅軍事力量，因為這是主權國家嘅基本自衛權利、義務和核心國策，北韓需要武器來保衛國家免受敵對美國的侵害。所以，各項展覽會上展示多種武器，包括一種高超音速滑翔飛行器，理論上可以讓導彈以20倍音速飛行，而且喺飛行中具有好強嘅機動性；展覽會上仲包括新型洲際彈道導彈「火星-16」。展示的，就是北韓不可欺！

北韓國雖小卻有大國風範，對美國從不存有幻想，金正恩令人佩服嘅地方就係一種傲然挺立之氣！睇穿美國言不由衷，不誠無物！

是以同老美周旋，中國冇理由冇底氣！必要時，更要企硬！

踏遍青山人未老，風景這邊獨好！

原圖：新華社圖片