移民一窩蜂，結果玩殘自己？香港再現移民潮，近日灣仔會展舉行國際移民及置業博覽，有移民顧問負責人向傳媒提到，每星期收到十多個有關移民英國的查詢。她指出，由於之前英國推出咗LOTR吸人，故「造就不少『衝動』個案」。她舉例指，一個四口之家在英國生活9個月後，「基於文化差異未能適應而回港」，之後又申請移民去台灣。

具體而言，「文化差異」包括甚麼？這名顧問如是說：該家庭有兩個小朋友，由於喺香港讀「普通幼稚園」，去咗英國之後英文能力唔得，因此「融入較慢」；至於父妻二人去搵工，但因為係疫情期間，搵工「都困難」。有見及此，顧問建議大家唔好因為移民門檻低而「衝動移民」。

講得好有道理！移民唔係買棵菜呀，邊有得衝動呀？有啲家長成日搵小朋友嚟做藉口，話移民係為咗小朋友教育著想，但佢哋又有冇諗過其實突然要適應新環境，小朋友隨時深受其害？

原圖：星島日報

https://std.stheadline.com/kol/article/3478/