新任美國空軍部長弗蘭克·肯德爾（Frank Kendall），喺早前接受傳媒訪問時大放厥詞，要製造「令中國感到恐懼」嘅超前技術咁話，佢噏完呢句自己唔笑嗰吓先好嘢，可能因為阿部長知道美國根本唔敢開中國拖，正所謂「會吠嘅狗唔咬人」啊嘛！正如華大姐咁講，想要拋窒中國，解放軍話同意先算啦！

美帝霸權近半個世紀以嚟窮兵黷武，自恃軍武科技先進就將黑手伸向世界各地，對小國頤使氣指、蝦蝦霸霸，甚至一言不合就出兵。不過回顧歷史，美國又係咪真係咁堅揪？霸權打過越戰、攻過伊拉克、佔過阿富汗，明明每次都係以大欺小，偏偏就每次都以失敗告終，你就知美軍係就係船堅炮利，但其實只係紙老虎，不足為懼！

中國直到今日嘅軍事技術，或者仍然比唔上因為好戰而大力發展軍武嘅美國。霸權或者可以取得一時嘅軍事優勢，不過解放軍保家衛國、力抗外侮嘅堅定意志絕不動搖，只要威武霸氣嘅解放軍仍然鎮守山河，14億炎黃子孫就決不恐懼！有乜嘢過咗解放軍呢關先好講！

原圖：新華社圖片