華為副董事長孟晚舟於2018年12月1日過境加拿大時被捕，孟晚舟因此被困加拿大超過兩年半時間，現時，其引渡聆訊進入最後階段，有指全部審理最早將在8月19日結束，而最近西方大吹孟晚舟會被引渡嘅風向，行為可恥！

孟晚舟為華為創辦人任正非嘅女兒，孟晚舟於2018年年底被加方拘捕後，被控違反美國制裁伊朗的法令，涉及銀行詐欺等，而美國針對華為大家都知，孟晚舟明顯係成為美國針對中國嘅政治人質。

美媒「落井下石」

近日，加拿大法院繼續審理孟晚舟嘅引渡聆訊，當中加檢察院律師弗拉特指孟晚舟喺2013年，向滙豐匯報資料時行為不誠實，稱證據非常清晰，構成詐騙，更指應該引渡到美國受審。早前更有美媒「落井下石」，評論孟晚舟大概率會被引渡美國，指美國曾向加拿大提出過近800份引渡請求，而最終引渡失敗嘅只有8份，所以評估孟晚舟勝率只有1%。

華為方多次堅信孟晚舟係清白嘅，我哋都信！庭審結果暫時未知，但我哋都知道美國強權欺壓，針對華為，有請大家繼續集氣撐孟女士，望孟女士可早日歸國！

原圖：無綫新聞截圖、華為官網圖片