有些書本為了吸睛，總要誇大以作宣傳，好似「一生必食10道菜」、「臨斷氣必到嘅10個國家」、「要移民乜乜的一百個理由」！呢世世界，真正「必然」，無非赤條條的來，赤條條的去！那管你富甲天下或窮無立錐之地。

嗱！自《港區國安法》生效後，此地黃絲不知為何犯了妄想症，總覺得此地不宜久留，唔理自己究竟有冇條件「移民」，總之就係要走！

本來，人各有志，你要走，香港又唔會留你！之不過，紛紛申請移民之際，好多年輕人竟鐵了心，揮一揮手，不帶走一片雲彩，更加連家中長者老母阿爸都唔理，以前古人，就話「父母在 ，不遠遊」，古代交通不便，自己行得遠，一旦父母在家有事，趕唔切返來，咁就含恨一生，變成不孝仔！依家啲後生一輩，竟然不理會父母養育之恩，為咗遠走他方，不惜做二等公民，竟拋下老竇老母於不顧，咁都唔算不孝試問乜至算？

有機構透露，由今年4月起已不斷收到因移民相關嘅求助個案（以前未曾試過），求助者平均年齡56歲，最年長者係89歲，當中約75%求助者啲仔女移民而留低佢哋，令長者深感無助自覺被遺棄。更離譜嘅係，有子女選擇離港後不再贍養家中長輩，令長者深感徬徨無助，都真係聞者心酸！可見呢班黃絲，廢噏甚麼「我哋真係好x鍾意香港」，全係吔蕉一族！不知所謂！連親情都可拋諸腦後，仲講乜鍾意香港吖！

呢！特首就話，要離開香港嘅佢哋自己有權選擇，唔好同追求自由掛鈎！

咁又係，正如有論者話齋，移民外國異地，追求更美好生活，冇人應為此遭受責難，但請不要說離開係為咗追求「自由」！因為香港仍然有自由，起碼不比英、美甚至好多地方差，好似新加坡咁吖，你連𡁻香口膠嘅自由都冇，如果係黑爆期間，唔好話到處放火擲燃燒彈，亂咁塗鴉地鐵站政府建築物，肯定行鞭刑，打到你屁股開花，以後連揸起枝筆都失禁！

所以話，要走嘅，請自便！之不過唔好抹黑國家和特區。

漢兒盡作胡兒語，卻向城頭罵漢人，不丟人嗎？不可恥嗎？

原圖：星島日報

https://std.stheadline.com/realtime/article/1537915

https://std.stheadline.com/kol/article/3979