美國疫情至今失控，日增萬宗等閒事，目前超逾3400萬人確診，超逾60萬人死亡。然而，正如李湮博客指出，老美就係厚顏無恥，有美媒早前發布嘅全球抗疫排名，美國居然排第一，而中國則排第八，當真誰面皮最厚，誰就是世界第一！誠如李湮一針見血指出，美國也喜歡製造敵人，皆因為若冇咗敵人，美國便失去前進動力，「令美國再次偉大」，筆者認為總統拜登老驥伏櫪，不會例外！
之不過，時移世易，一本通書不能睇到老，老美以前想打誰就打誰的時代一去不返矣！至於佢登高一呼，有啲國家點都要畀吓面，好歹表個態表示支持，如圍堵中國，然而，一涉及利益就變臉！這是現實，也是識時務者為俊傑！
美國總統拜登執政半年以來，中美關係比起前總統特朗普不但毫無改進，尋且更壞。
事實上，拜登夥同西方盟友圍堵中國可謂變本加厲。最新嘅例子就是關於黑客問題，美國司法部日前起訴4名中國公民，包括3名海南省國家安全廳官員，指控他們協調、協助和管理黑客，執行對中國有利嘅網絡攻擊。
總統拜登對此煞有介事表示，會考慮就中國嘅惡意網絡活動實施制裁。有網絡安全專家質疑，華府早前指控俄羅斯黑客網攻後，隨即宣布制裁俄羅斯，今次卻無立刻行動得把口，認為做法有問題。中國外交部發言人直斥美國無中生有，並鬧爆美國先至係全球最大嘅網絡攻擊來源國。
事實係拜登一上台，就以全方位戰略應對中國。佢修正特朗普政府單邊主義對抗中國嘅做法，轉向積極與盟友合作。除咗同日本、澳洲及印度展開「四方安全對話」，又與歐盟合作，共同應對所謂「中國威脅」。
植物學有個名詞叫「頂端優勢」。原來，植物的主莖頂端生長佔優勢，比其他部位更加容易吸收陽光同埋雨露，同時會抑制佢下面鄰近嘅側芽生長，令到佢哋處於休眠狀態。對於呢個現象，19世紀德國經濟學家李斯特就比喻得好鬼貼切：當一個人攀上高峰以後，就會將佢逐步攀高時所用嘅梯兜腳伸開，費事畀其他人跟上嚟。
可能拜登為咗維持美國嘅「頂端優勢」，要踢走兜嘢條梯，圍堵中國搞事。不過，英國《經濟學人》雜誌就大潑拜登冷水，認為中國即將成為全球最大經濟體，以中國為貿易夥伴嘅國家數目已是美國嘅近兩倍。不如問吓大家，你話求財緊要，定係跟住美國條尾但一啲Jetso都冇好？
還是漢朝嘅司馬遷犀利，喺佢巨著《史記》第一百二十九章「貨殖列傳」已指出一個永恒定律：「天下熙熙，皆為利來；天下攘攘，皆為利往」！歌仔都有得唱：「為兩餐乜都肯制吖前世！」同你癲？冇飯食，係唔係你派米供應美國穀飼牛扒先？講嘢！
其實，中國老早已指出中美關係，合則共贏，鬥則俱傷！時移世易，依家係鬥則你傷！從實力出發，中國人已不吃這一套！山姆大叔，醒醒吧！
原圖：無綫新聞截圖、envatoelements
https://elements.envato.com/creative-top-view-flat-lay-of-two-boxing-gloves-wi-RTQJZEA
投票已截止，多謝支持
返回
