壹傳媒真正末日倒數鳥？！昨日壹傳媒公布，成班高層辭職，集體跳船。咁都未算，聯交所仲「要求本公司就本公司是否仍維持足夠的營運及資產水平，以保證其根據上市規則第 13.24條的持續上市地位提供詳細評估，並已就與本公司相關的其他事宜作出查詢」。如果無法滿足上市規則第13.24條的規定，「其上市地位可能會受到影響」。簡而言之，壹傳媒隨時失去上市公司地位！

周達權熊自強張劍虹辭任

至於壹仔有乜嘢高層辭職？屈指一算，周達權辭任執董、營運總裁、執行委員會及薪酬委員會成員、公司秘書等職；熊自強又辭去集團財務總裁；加上黎老闆左右手張劍虹透過律師發辭去執董、行政總裁、執行委員會和提名委員會成員以至喺集團入面其他職務，嘩，真係一啲都唔講得笑！

老闆被捕入冊，高層跳船還押，公司隨時除牌，一浪接一浪，呢齣戲真係有排嘆！為員工著想，壹傳媒不如順勢摺埋啦，大家話係唔係？

原圖：星島日報、Teletubbies截圖

https://std.stheadline.com/realtime/article/1211113/

https://std.stheadline.com/daily/article/2297889/