警方國安處偵破港獨組織「光城者」嘅恐襲陰謀，係尖沙咀一賓舘內發現懷疑製造TATP土製炸彈嘅材料，並拘捕9名人士。警方已落案控告其中3名15至19歳中學生，指他們涉嫌違反《港區國安法》第24條恐怖活動罪。

以上呢單涉恐襲陰謀，使筆者想起保安局局長鄧炳強日前出席有關《港區國安法》嘅法律論壇時表示，年輕人守法意識薄弱、犯罪年輕化，而本土恐怖主義亦在本港抬頭，認為社會上應防範自我的人演變成孤狼行為，批評仍然有人嘗試英雄化咁嘅行為；政務司司長李家超同樣認為必須制止本土恐怖主義在本港蔓延。

事實上，不久前嘅「刺警案」話畀大家知，反中亂港勢力並未完全死心，港區國安大法作為「定海神針」成效仍待考驗。孤狼式恐襲或許是個別事件，不過誰也唔敢擔保呢件案件所造成嘅漣漪效應。

文首所指出警方國安處日前就一宗違反港區國安法案件拘捕5男4女，瓦解一個激進港獨組織「光城者」嘅土製炸彈實驗室，當中6人為中學生，另有大學管理層及中學職員。相信佢哋合謀製造及利用TATP土製炸彈，襲擊本港公眾設施，甚至發動汽車炸彈襲擊。呢單嘢要不是警方預先偵破，後果不堪設想！

看來，要「修補社會撕裂」，短期內只靠譴責及灌輸正確思想並不切實際。

當然，沒有人反對「疏導情緒」好重要，亦係「治洪水理論」，單靠填塞係冇用，要把河流疏浚和改道。之不過，本土恐怖主義，看來不似只係「孤狼式恐襲」升溫，不排除有更多「光城者」、「屠龍小隊」等死灰復燃，是以當務之急應係猛藥去疴，重典治亂。警務處處長蕭澤頤亦表示，自從「刺警案」事件發生後，網上不少人鼓動他人襲警、殺警，又指有人把兇徒英雄化，強調做法有違道徳倫理、人性。

筆者對政府高層嘅言論，大致認同。然而，正如有論者指出與其話啲市民愚蠢，且容易被人煽動，倒不如話港區國安大法，依然未能發揮其震懾作用，猛藥去疴，重典治亂！試吓拉幾個尋釁滋事份子返去大陸公審，你估仲有冇咁多人依然好似墮入感情漩渦，咁執迷不誤稱孤狼恐襲者係「英雄」吖喇？

原圖：星島日報

https://std.stheadline.com/realtime/article/1134494/

https://std.stheadline.com/realtime/article/1622584/