買六合彩嗰陣，相信大家都想諗，雖然咁多人買，但我都有機會中頭獎嘅！無錯，正常人都會咁諗，但一旦放喺黃絲參與違法活動時，佢哋就會調轉件事，變成「咁多人參與遊行示威，邊會拉到我啫」，筆者只想同參與違法活動嘅人講一句，「你被捕，係活該、係自己攞嚟架」。
支聯會年年利用「六四晚會」籌款，不過呢兩年都被警方以疫情為由反對，但仍然有人喺唔同社交平台，呼籲市民參與已經被禁止嘅公眾活動。有人網上吹雞唔可怕，只可怕係，有啲「醒目仔女」人來瘋，見到有人吹雞就心郁郁，但最終被捕，受苦嘅咪又係自己？
俗語都有句「明知山有虎，莫向虎山行」，黃絲們喺明知警方引用公安條例，封閉維園部門場地情況下，仍然都要喺維園附近「閒逛」的話，呢啲係勇定係蠢？筆者想講，別把愚笨當勇敢，唔該！
原圖：星島日報
投票已截止，多謝支持
返回
