黃醫護工會可能違法？黃到發黑嘅醫護工會組織醫管局員工陣線昨晚喺社交媒體表示，工會傍晚播六四紀錄片，但有電檢處職員到其辦放映會嘅辦公室發出警告，指放映會影片《我畢業了》同埋《動詞變位》違反《電影檢查條例》，要求工會提供《動詞變位》嘅放映資料，仲要upload埋電檢處嘅信。

咁都未算，陣線指責「電檢處職員不單拒絕出示職員證，更在未經批准情況下於會址內拍攝本會同事及文宣」，「本會多番追問電檢處拍攝原因，並要求其刪除照片，但遭電檢人員拒絕及報警處理」。

斥電檢處無必要拍照

搞到要報警咁大件事，不過警察到場後，據報無人被捕。但陣線好唔滿意警方冇檢查電檢處人員嘅手機及允許他們離開。陣線聲大夾惡「強烈譴責」電檢處同警方嘅處理手法，話處方冇必要拍照，又話警方「浪費大量警力，以調停為名，放人為實」，而且上綱上線到「事件令人懷疑國家機器聯手打壓民間關注六四事件」添。

講起寫陰謀論，呢個黃醫護工會真係犀飛利。但無論黃工會點諗點噏都好，執法部門若遇有人涉嫌違法就要執法，天經地義！市民一定支持！

原圖：星島日報

https://std.stheadline.com/realtime/article/1301384/

https://std.stheadline.com/realtime/article/1278782/