涉違反港區國安法及欺詐等多宗罪嘅壹傳媒黎智英，晚境可謂相當頻撲，不是在獄中洗廁所、貼信封，就係被押解上法庭嘅路上！俗語云：「有咁耐風流，就有咁耐折墮！」信焉！
呢，黎智英旗下台灣《蘋果日報》已變成「蘋果汁」，係「蘋果執」至啱！而香港更是屋漏兼逢連夜雨，日前遭保安局凍結資產逾3億元。換言之，現時股東貸款及融資之門已近全封，「乾塘」危機迫在眉睫！簡單講句，毒果報命懸一線，即係風一吹，燈就滅！大家即管放長雙眼睇！
儘管毒果報管理層故作鎮定，話毒果運作不受影響云云！阿哥，事實勝於雄辯。眼見毒果報冇咗條大水喉，資金無以為繼，毒果報員工近日紛紛要求公司先遣散僱員免被拖糧，之不過管理層拒絕，內部出現辭職「跳船」潮！有員工形容「近排幾乎日日有人走」！睇嚟黎智英獄中致毒果報家書，甚麼「時代既倒更是昂首時」，並沒有得到員工認同！有評論指出，毒果報誨淫誨盜，以假新聞煽動仇恨，台灣媒體形容壹傳媒係「羶色腥」，可謂一語中的！至於全國政協副主席梁振英在社交媒體為壹傳媒而寫嘅「墓誌銘」，力數其10大假新聞，直斥黎智英係香港之恥，係英國人之恥，係全球教友之恥！那簡直大快人心！
壹傳媒摺報刊雜誌已不是甚麼新聞，摺報刊如摺金銀衣紙，紙灰都已化成泥，是否「護花」就唔知，毒果報刊報道手法一直為人詬病就係三歲BB都知，炒作誤導、歪曲造假惹來醜聞及官司，厚過電話簿，確係罄竹難書！梁振英述之詳矣！可見其執笠嘅報刊，即使化灰成泥，都係污泥，點會護花吖？化灰都要害人，一直係其歹毒本色！
《紅樓夢》薛寶釵所諷和嘅《螃蟹詠》，其中一聯說：眼前道路無經緯，皮裏春秋空黑黃！有論者指，寫的雖是横行一時、到頭來不免被烹煮嘅螃蟹，若拿來給那些心機險詐、善於搞陰謀詭計，不走正路、得意時不可一世嘅政客、野心家畫像，也十分維肖。筆者之前評論黎智英「人無善志，雖勇必傷」！更何況「做漢奸從來冇好下場」這鐵律已在歷史長河得以印證！
如今，見到內地官媒指黎智英末日臨近，形容佢係「秋後螞蚱蹦躂不了幾天」！看來，黎智英應係「人無善志，雖勇必瓜」！
原圖：星島日報
https://std.stheadline.com/daily/article/2322136/
投票已截止，多謝支持
返回
