官司纏身嘅壹傳媒黎智英日前被判囚14個月，正式成為監躉，喺赤柱監獄服刑。呢，原本識飲識食嘅佢，恐怕已無緣「食勻18區」，更加難飛去日本歎京都料理、法國名廚美食，成為監躉只能食監躉飯，冇得再做「權威食家」，指邊度嘅燒鵝靚，那裏的扣肉正！原來一個人食幾多，使幾多真係整定嘅！

國安重犯黎智英一身係罪，兩宗非法遊行罪只係小菜一碟，佢一大串舊案未來得及審訊，日前控方加控佢一項串謀勾結外國或境外勢力危害國家安全，與一項串謀妨礙司法公正罪；實情單係違反《港區國安法》一項，最高刑罰為終身監禁。

早幾日，黎智英又有所謂致毒果報家書，廢噏甚麼「時代既倒更是昂首時」，內地官媒直斥其假惺惺地發表「家書」，裝扮成自由衛士，「其偽善嘴臉令人作嘔」；拆穿其恬不知恥地拿鋃鐺入獄大做文章，借此喚起市民同情。

坐監令人生更精彩？

呢，黎智英未正式食監躉飯前，英國媒體播出佢喺何文田大宅嘅一段訪問，當時談到要坐監時一度哽咽，更流下鱷魚淚，聲震震話自己「的確害怕」！講真，有邊個唔怕失自由？何況大有機會係一生！甚麼「闖人生巔峰」啦！其麼「時代既倒更是昂首時」，全都係自欺！

呢！「佔中三子」之一嘅陳健民，曾經喺毒果報嘅專欄說，黎智英說監獄「猶如人間淨土，沒有了塵世的羈絆，可以專心看書」；又話黎智英「最痛苦的是想念家人，但在困惑中他感到自己是摸着耶穌的衣角⋯⋯」阿哈，果然「坐監令人生更精彩」？平時感覺不到的、思想唔到嘅嘢霎時都到囚監嘅牢獄內！

漢奸冇好下場係歷史鐵律

黎智英「要為美國而戰」，叛國禍港勾結外國勢力彰彰明甚！這樣的一個國安重犯，難道會「已摒憂患尋常事，留得豪情作楚囚」嗎？

73歲嘅黎智英，晚年都相當頻撲，每日獄中勤洗廁所，做些簡單工作如貼信封之類，因多案纏身，仲要聲音喺赤柱監獄和法庭兩邊走，如此「人生巔峰」，都可謂「求仁得仁」矣！從來做漢奸都冇好下場，呢個係歷史鐵律，國安重犯日暮途窮曾灑下嘅鱷魚淚，只能印證做得漢奸，怎可能會有「昂首」時？只會被釘在歷史嘅恥辱柱上。

出得來行真係要還㗎！

原圖：星島日報

https://std.stheadline.com/realtime/article/1457116/%E5%8D%B3%E6%99%82-%E6%B8%AF%E8%81%9E-%E9%BB%8E%E6%99%BA%E8%8B%B1%E7%8D%B2%E5%87%86%E4%BB%A51000%E8%90%AC%E4%BF%9D%E9%87%8B-%E6%9C%9F%E9%96%93%E4%B8%8D%E5%BE%97%E9%9B%A2%E6%B8%AF%E5%8F%8A%E5%85%AC%E9%96%8B%E7%99%BC%E8%A1%A8%E8%A8%80%E8%AB%96