近日坊間吹風要取締《蘋果日報》，講真呀，取締傳媒喺港英時代就聽得多啫，回歸之後又需唔需要呢？咁樣做又有冇法律基礎呢？《HK01》訪問資深大律師兼行會成員湯家驊，湯分析現行法例冇嘢針對傳媒，但從法律角度睇，要取締《蘋果》，或者有兩條罪可以諗諗。

第一條係「煽動罪」。湯家驊提到，《刑事罪行條例》第9、10條涉及「發表煽動文字」或者「刊印、發布、出售、要約出售、分發、展示或複製煽動刊物」，而有關行為煽動人叛離政府，或者引起唔同階層之間嘅敵意，即屬違法。佢又補充，如果打官司，就要睇可否通過人權法下嘅平衡測試。

煽動罪入唔入 要睇人權法點拗

至於第二個方向、國安法下嘅顛覆國家政權，大家睇字面都會明白。湯家驊分析，如果律政司可以證明到有傳媒有組織有預謀定期炮製假新聞，從而引發針對港府、中央嘅仇恨，「理論上」有可能瀨嘢。

大家又認為，湯家驊呢兩個方向，有冇得諗呢？

原圖：星島日報

https://std.stheadline.com/realtime/article/1461853/

https://std.stheadline.com/daily/article/1914592/