最近攬炒派「時不利兮騅不逝」，着草嘅着草，踎監嘅踎監，總之就係黑過墨斗，冇瓣老利！呢！最近泛民出現一個現象，唔係「齊上齊落」，而係「賣樓閃人」！最近因賣樓而風頭大勁嘅當推網台「城寨」和主場新聞創辦人劉細良、鄺穎萱夫婦，將北角半山豪宅以4380萬元售出，成交價創項目新高，帳面獲利達3150萬元。

消息一出，唔少黃民恍如夢中初醒：嘩！乜原來條友咁疊水㗎！有啲黃絲更牙痛咁聲呻笨：交咗2000蚊「城寨」年費，呢條「細良」直頭大無良，正一「正宗人血饅頭大王」、「點解劉細良咁有錢仲叫人課金嘅？」、「呃埋錢走佬歎世界」等！

劉細良「賣樓事件」掀起一陣討論熱潮與罵戰，連「十九才子」陶傑都出本來抽水：香港社會現時仍在社運後嘅療傷期，發生如此事件或在情感上令人不快。十九才子就話喇：不會評論劉細良與其他KOL之間嘅恩恩怨怨，但認為需要自我向支持者交代。

消息靈通 冇水至奇

呢啲廢噏當秘笈，無關痛癢嘅話，講來嘥鬼氣！劉細良呢條友，曾喺多間傳媒機構工作，同毒果報關係良好，經常發表教人「讀好書」嘅評論，條友至曾蔭權年代更擔任中央政策組全職顧問，憑藉呢個咁特殊身份，阿哥，「春江水暖鴨先知」，乜消息都快人一步，有乜理由搵唔到食吖？佢YouTube頻道已累績逾28.1萬訂閲者，依家啲黃絲仲拾吓拾吓問：乜條友原來咁疊水㗎？阿哥，條友冇水至出奇吖！

嗱！據「城寨」專頁一個2017年嘅貼文，佢哋設有會員制，年費二千銀！入咗會又話會「提供比平常頻道更多內容，以及舉辦會員聚餐等活動」。呢條「細良」曾經大言炎炎，推出自由定價賣嘢，但又話如網民放低10元係對佢嘅「侮辱」，擺到明大雞唔食細米，其言論曾引起廣泛爭議！

講真，劉細良及其妻鄺穎萱曾經營嘅「上書局」，信譽亦都麻麻。曾有《信報》專欄作家潘東凱幾年前入稟區域法院，指上書局違反合約條款，拖欠其著作《炎黃解毒》版權費19萬2千元。

一個劣跡斑斑嘅政客，都有咁多黃絲信徒，難怪有人話黃絲啲錢最易呃，信焉！何況劉細良假假地都做個政府嘅大腦、文膽，氹你哋課吓金交吓會費真係濕濕碎！咪當學嘢囉，仲要「交代」？交條毛咩！黃絲未知有否從「劉細良賣樓事伴」得到些小教訓？還會「錢多、人傻、速來」嗎？

原圖：巴士的報

https://www.bastillepost.com/hongkong/article/8245657