中國和平崛起，可說勢不可擋！然而，美國就係唔順超，從特朗普到如今嘅拜登，對中國都不懷好意！

國際局勢風雲變色，自美國總統拜登今年1月上任以來，中美關係比起特朗普時代，看來只有更壞，不久前，兩國互數不是，可謂不歡而散！近排又動作多多，美國聯手歐盟、英國及加拿大就新疆問題抹黑中國喺新疆「侵害人權」，要制裁中國官員，惹來中國強硬報復！

德不孤，必有鄰。中國迅即同俄國宣示盟友關係；北韓發射導彈增興，中東不少國家也表態支持中國。

事實上，拜登欲「聯歐制華」已經係路人皆知；早在今年2月19日，七國集團(G7）召開了一次綫上視頻峰會，會議嘅「主人」是英相約翰遜，因為英國係今年G7系列會議嘅主席國；但論者指主角卻是拜登，皆因白宮新聞發言人普薩基事先已張揚表態，拜登還會討論G7如何提高集體競爭力，以應對中國帶來的挑戰。「聯歐制華」可說盲嘅都感覺到！之不過，基於利益嘅考慮，尤其中國這個龐大嘅市場，拜登嘅「聯歐制華」明顯不會如其所願。

有識之士都睇到，美國沿用多年嘅制度正面臨嚴峻嘅內外挑戰，美國政局動盪，疫情嚴峻，至今確診新冠肺炎人數已突破3000萬人，死亡人數逾55萬人，兩項數字均高居世界各國之冠！前總統特朗普「要令美國再偉大」真不知從何說起！「死得人多」可見美國體制上的缺陷，難怪經濟長期原地踏步甚至空轉！反觀中國，即使毒果報成日唱衰，都無阻中國實事求是施政精神，腳踏實地去發展經濟，為農村貧戶脫貧，多年來的精準與高效嘅市場運作，正逐步拉近與美國嘅競爭距離。

嗱！英國學者馬丁·雅克，佢係英國劍橋大學高級研究員、中國問題專家，不久前撰文指出：美國主導世界的時代已經結束！馬丁極之讃楊潔篪對美國嘅回應，指楊潔篪進行了對等嘅發言，並沒有使用外交辭令，而係直接挑戰了美國嘅地位及其行事方式嘅合法性！佢用高水平嘅發言讓美國人感到困惑！馬丁之言真是一矢中的！

今後，美國佬對中國根本惡唔出樣！中國對全世界都會以平視眼光說話，「我們不爭霸」！潛台詞係「也不好惹」！
大國崛起，不會再「韜光養晦」，冷劍出鞘，誰可爭鋒？

原圖：港台新聞截圖