新任廣播處處長李百全繼抽起粗口樂隊訪問後，近日再被指要求抽起最新一集港台節目《議事論事》，時事評論員陳雲生批評港台接二連三抽起節目嘅做法，簡直係浪費製作時間同公帑。
據知，是次被抽起嘅《議事論事》，內容為包括中大政治與行政學系副教授馬嶽嘅訪問，節目會於原定時間改播為獲行政長官卓越教學獎得主嘅節目《卓越教室》。
陳雲生接受《東網》訪問，談及港台一再抽起節目一事，直斥其製作部門費時失事，批評相關製作部門再三浪費公帑時間製作唔達標嘅節目，又指港台過去集非成是嘅陋習已太難清除，認為現時資訊氾濫，加上港台收視愈嚟愈差，建議港台憑順民意「執咗佢」！
年耗逾10億元公帑營運嘅港台多次被投訴，加上又收視差，你又認為應唔應該摺咗港台？
原圖：星島日報
投票已截止，多謝支持
返回
