華為早前向英國高等法院提出申請，要求獲取滙豐銀行（HSBC）嘅內部文件，以證明公司副董事長孟晚舟冇誤導滙豐，但遭到英國高等法院駁回，華為對此表失望（請按此重溫）。原告華為副董事長孟晚舟方日前（25日）於香港法庭入稟，要求香港滙豐披露多項內部文件，並讓孟在引渡聆訊中使用。此案將於3月12日展開聆訊。

要求有權查閱及複製文件

原告為孟晚舟，被告為香港滙豐銀行。原告於入稟狀中要求法庭頒令，答辯人需於14天內，向原告或其代表律師披露一系列由答辯人管有嘅文件，而且原告及其代表律師有權查閱及複製相關文件，原告人願意補償合理嘅成本及開支。

孟晚舟要求被告披露嘅文件，包括滙豐喺2012年12月至2015年4月間，點去評估華為、「星通科技」（Skycom Tech）同空殻公司 「Canicula Holdings Ltd」對銀行嘅聲譽、係咪合乎制裁規定嘅影響。同時亦要求滙豐披露在2013年至2015年間，有關討論會否同華為維持關係嘅會議文件。

繼續力撐孟晚舟！

原圖：無綫新聞截圖