睇周融周圍講（六十九）黎智英托孤7億6，蘋果可捱多久？周融之分析，一切基於理性和數字，而壹傳媒十年來，蝕咗逾廿億，正一蝕到阿爸認唔出阿媽，睇怕亦捱唔到幾耐！去年平安夜前夕獲法庭有條件批准保釋嘅黎智英，係過去保釋嘅8日間，日日喺何文田大宅攪局，大宴親朋、民主派人士及壹傳媒高層，彷彿世界就來末日，再唔盡情大魚大肉、有酒今朝醉，就再冇機會咁款！

出得嚟行，遲早都要還！黎智英人無善志，都知道逃不出國安大法嘅天羅地網；熱鬧過後，喺除夕夜再被押上囚車重返茘枝角收押所，度過8年來最凍除夕，更要跨年度過2021年元旦，直至2月1日再度提訊為止，期間須進行14日隔離檢疫，再度單獨囚禁。

嗱！係黎智英須再度還押，有一幕係黎嘅家人離開前緊捉住《蘋果》副社長陳沛敏嘅手，哽咽喟：「你哋加油守住蘋果！」陳沛敏則含淚着他們保重。

呢一幕筆者覺得頗有「風蕭蕭兮易水寒，壯士一去兮不復還」嘅味道，當然，黎智英並非甚麼壯士！只是一個「叛國禍港」之徒！官司纏身嘅壹傳媒黎智英，反中亂港20多年來，一直意氣風發，打橫打直行都未曾損其毛髪一條，於是愈益放肆、有恃無恐，變本加厲多次跑去美國覲見白宮洋主子，揚言要「為美國而戰」，甚至不知天高地厚「要拉國家領導人下馬」，這不就是活生生嘅「上帝要佢滅亡，必先讓佢瘋狂」嗎？

據《蘋果》嘅描述：法庭判決一刻，旁聽人士大感愕然；一瞬間，懲教人員已走近黎智英。黎匆忙與子女相擁道別，再向庭上的聲援人士點頭道別，期間眼泛淚光，泛民人士大叫「Jimmy 加油」、「保重」。

黎智英「眼泛淚光」

有論者引司馬遷寫李斯被押往刑場時，佢回頭向一起被殺嘅二兒子說：如果我們不出來做官，在我們嘅老家上蔡縣牽着黃狗出東門去逮兔子，那該是多麼好的一種生活啊！如今卻連想也不能想啦！史家評李斯一輩子是個官迷，等死到臨頭時卻說後悔當初捨棄了「架鷹牽狗出門打獵的平民生活」；一個人眼前無路想回頭，可是已太遲。

黎智英血液流着叛國禍港基因，「為美國而戰」義無反顧，那「淚光」，也真分不清是後悔自己已回不到從前「餓快活、窮風流」嘅日子，還是悲嘆再難為洋主子盡忠？

《蘋果》日日為黎智英叫好，其高層及專欄作者送高帽唯恐不及，一時「英雄」，一時「謙卑」，偶爾又話佢「守護香港自由犠牲自己」，忽然又話佢係「壯士」，胡亂吹噓，當真係肉麻當有趣！

冷風吹寒雀，一片淒楚，黎智英喺國安大法下，話就話「預咗要受」，佢兩個仔早前去茘枝角收押所探佢，仲「有講有笑」，讚佢老竇「好堅」！筆者但知有啲人經常拍心口話唔驚唔驚，其實只要風吹草動，月光光，以為有鬼已嚇到面青青，真正能「橫刀向天笑」嘅，歷史上之大漢奸未之有也！

國安法已開壇捉妖，天網恢恢， 疏而不漏！叛國禍港的漢奸也好，想要癱痪港府、顛覆國家嘅反對派妖人也好，一個也難逃！大家即管拭目以待，香港嘅歲月靜好有望返來矣！

原圖：星島日報，頭條日報

https://hd.stheadline.com/news/realtime/hk/1847320

https://std.stheadline.com/daily/article/2233005