香港培正中學是所百年傳統名校，在香港教育界頗有地位。大家只要上網一查，都會知道位於何文田嘅這所培正，咁多年來，出咗唔少響噹噹嘅世界名人學者，尤其係頂尖華裔科學家如諾貝爾物理奬得主崔奇、國際著名數學家丘成桐等；就算演藝界，亦名人輩出，好似醉心戲劇舞台、桃李滿天下，人稱King Sir嘅鍾景輝、黎姿、歐倩怡等等。一所百年名校，家長為孩子能入讀難免感到自豪，對孩子自不免期望他們「學成文武藝，貨與帝王家」，唔會「搞搞震」！這是人之常情！
然而，一所百年名校如果不勵精圖治，並不代表佢可以繼續領風騷！即如百年老店嘅香港大學，近年過度政治化，校園容不下一張書桌，大學再不是做高深學問嘅地方，近年來在世界大學的排名便一直在倒退，唔好話輸畀新加坡一條街，連內地嘅大學如清華、北大等都迎頭趕上！可見為學確如逆水行舟 ，不進則退！
呢，筆者一直關注《HKG報》的「透視培正 『獨』真相」嘅追蹤報道，主持係《HKG報》行政總裁周天慧，列出了培正中學黃師涉煽仇中事件。事實上，亦係有家長向《HKG報》投訴該校通識科老師及教材涉嫌煽動仇視國家、憎恨警隊，校方更被質疑縱容學生係校園宣掦違法港獨！若然，就是「管不嚴，師之惰」了！
《HKG報》為求真相，自10月12日起不斷向校監何建宗及校長何力高了解有關事件，不過至今逾兩個月仍未得到一字回應，而係通過一篇不曾對外公開嘅《培正同學通訊錄》解畫，所謂「解畫」，若然擺事實、講道理，都有助澄清誤會，化解醜聞危機；可惜啊，佢哋完全唔知乜叫做「士不立品者，必無文章」。一個教育工作者，如果沒有面對真相的勇氣，只一味龜縮扮駝鳥，尋且歪理正說，指《HKG報》有關報道屬「杜撰」、「抹黑」云云！筆者只能說，作為教育工作者，如此粗野亂咁指控，實在不知何為「謹於言而慎於行」！甚且有點蠻不講理了！
嗱！《HKG報》行政總裁周天慧曾向兩位致公開信，誠邀兩位對談，相信真理必能愈辯愈明，而不是在暗角放冷箭，這對周小姐不公道，也沒有給予公眾及家長任何交代！
究竟培正校園有冇被政治化？教材有冇違法？有冇默許學生係校內集體奏唱港獨歌曲？是否冇《國安法》就毋須愛國愛港？一連串嘅問題筆者都同唔少《HKG報》讀者一樣，希望校監何建宗和校長何力高做個真誠嘅教育工作者，接受周小姐之邀「講清講楚」，沒有甚麼比「身教」更重要！既然問心無愧，請不要再埋首沙堆！
走出來同周小姐對談，既然「愛國 愛港 愛培正」堂堂正正，若是連「影」都冇，你叫人點相信呢？校監、校長，沒有甚麼可以懷疑的，《HKG報》係百分百愛國愛港嘅媒體，有個咁好嘅平台畀你哋發聲，快啲來「講清講楚」，做個勇敢嘅教育工作者喇！筆者誠意用今期稿酬，買定西餅奶茶咖啡，以示對兩位嘅歡迎！
原圖：香港培正中學網站圖片
投票已截止，多謝支持
返回
