許智峯榨光自己區議員身份最後嘅價值，借公務為名棄保潛逃，舉家「流亡」海外，如此卑鄙無恥拋棄「手足」，相信已為「同路人」所不齒，甚至連祖宗十八代都可能畀人鬧咗無數次。

喺地球嘅另一邊，卻有截然不同嘅光景。《華爾街日報》引述知情人士表示，已經被加拿大軟禁超過兩年嘅華為副總裁孟晚舟，拒絕由美國司法部所提出，希望佢以認罪換取回國嘅協議。

唔理消息係真係假，但咁唔光彩嘅「交易」，又真係得美帝霸權先會做得出，不過成件事嘅重點，係孟晚舟拒絕向霸權屈服，所展現出嘅中國人風骨！

華為同特朗普政權周旋數年，而孟晚舟亦已受困多時，加上其父任正非年事已高，兩人骨肉分離。憑住華為父女多年嚟為中華民族所付出嘅貢獻，即使孟晚舟真係接受美帝提議，相信全中國人民定必理解，唔會強行將佢道德綁架，因為華為、任正非、孟晚舟都已經為中國人做得太多太多，讓父女團圓又有何不可?

聰明如孟晚舟亦一定明白呢個道理，但佢寧願放棄回國機會，亦都絕不認罪，因為佢堅信自己清白！如此高風亮節，許智峯之流一世也不會明白，永遠也不會理解！我們深信天地有正氣，孟女士最終必定凱旋而歸，在此之前，請一齊向孟晚舟致敬！

原圖：無綫新聞截圖