之前，有論者指國安立法開壇不作法，黑暴將好快回魂！

港區國安法由6月30日晚刊憲生效至今已逾5個月，有人認為：別說沒有人因干犯此法而獲刑，甚至連起訴個案也寥寥無幾，尚方寶劍至今未「殺」一敵，同擺設無異。既然執法不痛不癢，國安法不外如是，「暴大」學生知法犯法又何足為奇？大學生尚且如此，大漢奸將國安法當成「搲痕」更是合情合法了。

一旦入獄會係人生巔峰

然而，時辰一到，一切都報！國安大法已亮劍了，大小漢奸、洋奴走狗又怎不嚇到雞飛狗走？呢，涉違港區國安法嘅壹傳媒老闆黎智英申請保釋被拒，須還押監房看管，由懲教人員押解至茘枝角收押所羈留，係佢首度進入懲教院所初度穿上囚衣，若然申請保釋再被拒，未來幾個月將會係收押所度過，即係話好大機會會喺鐵窗下度過聖誕節及農曆新年。正應了他大言炎炎，說一旦入獄會係其「人生巔峰」，若然上天都真係厚待佢，佢亦求仁得仁矣！筆者希望佢勇闖「人生巔峰」後，會好似訟棍所指，令其古稀之年嘅人生過得更精彩！

呢！嗰位喺議會瘋瘋癫癲嘅許智峯，「外訪」丹麥變宣布「流亡」，退出香港民主黨，又廢噏「為了香港，我會好好活下去」，還留下「一息尚存，抗爭到底」嘅笑柄，連香港嘅監獄都冇膽坐，仲要「抗爭到底」，都真係完美演譯「秀才造反，十年不成」呢句傳統智慧！此外，青年新政前立法會港獨議員梁頌恆，據報道亦已去了美國。

至於6.21圍警總嘅學民三子黃之鋒、周庭、林朗彥承認煽惑未經批准集結等罪，已被判入獄7至13個半月，首次入獄嘅周庭聞判更忍不住痛哭！真係早知今日，何必當初呢？

錯判形勢只會自食惡果

呢！仲有人民力量副主席「快必」譚得志被指多次發表煽惑文字等罪，控方申請將案交由國安法指定法官處理。筆者相信佢嘅人生即使未去到「巔峰」，亦會令佢反思乜叫做「人之初，口多多」！

筆者只是想告訴年輕人，《港區國安法》已經全面就位，若然還以為可以挑戰國家嘅安全底線，錯判形勢，那只會自食惡果！回頭是岸，《周易》說：「勞謙君子，有終，吉。」意思是有功勞而且懂得謙虛的君子，能夠保持謙德至終，凡事都會吉利。一年將盡，筆者以這幾句與大家互勉！

國安大法已經開壇捉妖，反中亂港肯定冇運行！慎之哉！

原圖：頭條日報資料圖片

https://hd.stheadline.com/news/realtime/hk/1780144/