美國總統大選風波沒完沒了，不過現任總統特朗普要執包袱呢件事應該都走唔甩。侵侵佢其他地方可能唔係咁出色，但講到面皮厚就肯定不輸於人，輸咗唔認要上訴不特止，最近有傳佢計劃四年後再選總統，仲話要揀正明年1月20日拜登宣誓就任同日正式公布咁話。呢啲行為擺明就想落人面，不過，一個抗疫不力搞到美國雞毛鴨血嘅總統，賴人之外都仲係賴人，死都唔肯負責任，怕且到時係佢自己攞假嚟丟囉！
喺對手宣誓嗰日公布選下一任總統，呢啲行為認真無賴！下屆再嚟，唔通你以為仲有機？侵侵，你都係算吧啦！
原圖：無綫新聞截圖
投票已截止，多謝支持
返回
