特首林鄭喺佢嘅第四份施政報告提及「修例風波」共檢控二千三百多名學生，稱警方願以警司警誡或簽保守行為來處理有悔意嘅未成年人案件，但強調被捕者需承認犯錯行為。施政報告表示，過去一年多，香港出現暴力，有人鼓吹「違法達義」，社會秩序和法治遭到嚴重破壞，而市民人身和財產安全亦受到威脅，因此需要嚴正執法，形容只要有證據顯示任何人犯法，警方「必定會公平公正、不偏不倚地依法處理」。

事實上，也的確如此！如今政府釋出善意，眼見這麼多未成年學生被歪理蒙蔽而違法，他們若一經定罪，則前程盡毀，為了給他們一個改過機會，乃提出以警司警誡或簽保守行為方式，處理十八歲以下有悔意而非嚴重罪行嘅被捕人士。

毒果報歪嘴吹喇叭

然而，毒果報卻歪嘴吹喇叭，說是好多人連點解被捕也不知道！其實，這是毒果報一向不問是非曲直的所謂「評論」，主題先行，在毒果報寫稿的都有這種蠻勁，像佔中發起人的陳健民，日前就說「目睹暴政天天拉人、動輒取消教師資格、警察在大學如入無人之境，許多人都問我還能做些甚麼？」阿哥，暴政天天拉人嗎？查實係正如警務處一哥鄧炳強所指出：如果冇人犯法，就唔需要執法！一哥係多個場合亦講得好清楚，任何人犯法，唔理係乜身份，我都會拉你！而如果你唔想畀我拉，只有一個辦法，唔該你唔好犯法！

「動輒取消教師資格」那更是天大笑話，這麼多黃師誤人子弟，幾經千辛萬苦也不過DQ咗兩名教師咁大把！日前中大有畢業生在校園遊行搞破壞，警察都冇第一時間去執法！還是大學報警翌日才有國安人員去搜證，如何就「如入無人之境」？

另一位被指「叛國禍港四人幫」之一嘅李柱銘，國安立法之後又話有條件支持港府就基本法23條立法，引起坊間嘩然！之不過，佢喺毒果報依然廢噏當秘笈，指現行調查警察投訴嘅兩層機制都無效，以及喺政府縱容下，警暴肆虐和選擇性執法，導致市民的示威激進化⋯⋯你睇，又係將黑暴烈火、搶燒打砸等破壞社會秩序的惡行入晒警察數，行文之粗率，立論之浮誇，根本不值一哂！

法官係人就會有錯

當然，毒果報的所謂「評論」側埋一邊，卻最愛強調「真理事實」，這同「賊喊捉賊」一樣咁好笑！而黑暴至今仍蠢蠢欲動，除了毒果報為激進暴行鼓與吹外，另一就係司法的不公。早前都有法官認同某些黑暴有所謂「崇高正義」目標，裁決時不判以有阻嚇作用嘅刑罰，被法律界人士批評變相鼓勵街頭暴力活動，令社會永無寧日！

呢，去年6月有市民喺金鐘一帶參與反修例集會，期間一名33歲貿易公司董事助理，聲稱受現埸氣氛影響，而係政總外協助搬鐵馬，佢承認參與非法集結，被判監14日。律政司同月向裁判官申請覆核刑期遭到駁回後，再向上訴庭申請覆核。結果上訴庭表示同意律政司所指，不能把被告行為與其他示威者分割，形容原審裁判官做法「錯到不能再錯」，最終改判刑期為7個月。可見法官係人，係人就會有錯，甚至偏頗到不問是非黑白。

香港要歲月靜好，首先要「源頭減毒」，掃走毒果報，免得佢日日「指鹿為馬」荼毒青少年學生。其次司法改革，太多「錯到不能再錯」的案例，試問如何彰顯法治的公平正義？

原圖：頭條日報

https://hd.stheadline.com/news/daily/hk/898701/

https://hd.stheadline.com/news/realtime/hk/1723485/