牆倒眾人推，樹倒猢猻散。呢，特朗普爭取連任失利卻拒絕認輸，堅持打官司企圖翻盤。之不過國際社會普遍把拜登視作當選者，不管友邦敵國嘅眾多元首紛紛祝賀。

嗱！眼見特朗普連失重點州份，大勢已去！壹傳媒嘅黎智英見勢色唔對，不久前係社交平台直播時，忽然「轉軚」大讚民主黨候選人拜登處事方式獲得唔少人認同喎！喂！「變臉」之快，叫人明白乜嘢叫做「人至賤則無敵」。佢當讀者都患失憶症？明明前一秒仲大言炎炎支持侵侵連任，忠心耿耿做佢條忠心叭兒狗，更不惜捲入涉抹黑拜登醜聞；後一秒又變牆頭草兩頭擺，真係肉麻當有趣！

講開忽然轉軚，除咗至賤無敵嘅叛國禍港黎智英，台灣蔡英文政府據悉亦早擬定兩個劇本應變，免得一旦拜登勝選都唔會「面懵懵，當老馮」！天下熙熙，皆為利來，台灣總統府發言人就重申，無論結果為何，台灣都會持續爭取美國跨黨派嘅支持，現階段美國主流民意對台灣嘅支持相當穩固，台灣也會係呢個基礎上，持續深化台美合作關係喎。軟骨到「絲蘿非獨生，願託喬木」，咪又係冇腰骨！醜態百出，同黎智英都算互相輝映！

應該一怒擲筆 同毒果報劃清界線

筆者把黎智英「忽然轉軚」和蔡英文「兩頭蛇」相提並舉，無非想說政客都係無腰骨！之不過，係賤就唔好又扮「正義」，又扮「有骨氣」，免得貽笑大方！

呢，毒果報有個高慧然，卻扮正直有格調嘅文人，力指蔡英文係政棍，迫不及待恭賀拜登當選有失身份，「教訓」了蔡英文一頓，然後如貞節烈婦般說：「今天開始，蔡總統，拜拜了！」嘩！成個「寧鳴而死，不默而生」嘅「真文人」咁款！喂！講到變臉同轉軚之快，黎智英仲快過蔡英文啦！

如果呢位高慧然咁有骨氣又敵我愛憎咁分明，佢應該一怒擲筆，同毒果報劃清界線，「今天開始，肥佬黎，拜拜了！」咁就有「吉士」喇！當年名小說家張小嫻，就係因為肥佬黎搵狗仔隊偷拍佢私生活，張小嫻認為肥佬黎連自己嘅作家都唔尊重，一怒之下就唔寫個欄啦，呢啲就叫真性情真文人！

高慧然之流，唔好扮清高咯！再裝假狗，盞瘀到嘔！

原圖：星島日報

https://std.stheadline.com/realtime/article/1353998