公務員事務局早前致函各政府部門，指若試用期公務員涉非法公眾活動被捕，並遭檢控可被解僱。嗱！經過黑暴大劫，冇心冇肺冇靈魂政府，終於得到教訓，明白一個「潔淨」團隊係打贏仗嘅最起碼要求。大敵當前，更要一心！依家牆傾，仲有一大班出公帑嘅「內鬼」拼命推，作為納稅人嘅筆者，真係睇見都眼火爆！常言道，堡壘最容易從內部攻破，公務員籠裏雞作反，港台固然出晒名，其餘如醫管局、紀律部隊尤其係消防局、勞工處、官津校黃師等，有不少人更是明目張膽和政府對着幹！完全違反公務員守則嘅最低要求：政治中立！

日前，筆者讀「23萬監察」王國興特別提醒教育局不能剝奪家長知情權！佢有感於一年多嘅黑暴事件，有三千六百多名學生被捕，可能終身將有刑事犯罪記錄，前途盡毀！而這些學生肯定有不少受到失徳黃師嘅鼓吹誘導而誤入歧途！王國興詰問：為什麼至今仍沒有把涉嫌失徳嘅教師立即開除教席？為什麼教育局仍然採取包庇縱容態度？而真正受害的學生遠不止至數，拘捕的三千六百多學生只是冰山一角！

要求教育局交代清楚

王國興指出一個家長的切實憂慮，作為家長，為了子女不再墮落、沉淪成罪犯，不想子女再成為製造罪犯的學校的學生，當然要清楚知道他們就讀學校的真實情況！這與涉及教師的私隱無關，只是讓家長知所趨避、有所預防和警惕！是以他一再呼籲全港家長要行動起來，要求教育局交代清楚以搶救我們的下一代！

王國興所強調的，不正是筆者上次所說：治亂世用重典，切勿姑息黃師（請按此重溫）！筆者多次強調：教育局好多嘢都冇及時糾正，之前，已指出不少學校放任學生喺校園唱黃歌、築手鏈、堵路阻市民返工等，教育局都冇第一時間正視；教不嚴，固然係師之惰，姑息養奸，絕對係教育局敷衍塞責！若然開學時就執正來做，對有關學校嘅校長問責而不是一句「校本」自管，便放任自流，任由學校無規無矩！最終誤人子弟！

筆者不厭其煩，再次提出來，皆因新學年又就開始！如今因全民檢查要到九月十四才完成！是以學生返校亦不會早於九月中旬！筆者只是提醒教育局，除了留意防範疫情，更重要就係要多去觀察、巡視各學校開學情況，睇吓啲校長、老師有冇執正來做，有冇再容忍學生一開學就不守校規，譬如在學校唱黃歌及亂呼口號，若有，有關校長及教師不第一時間糾正之、阻止之，即係失職，不佩再為人師，應被釘牌及解僱！

中學階段，學生在學校，應是進徳修業，砥礪前行，為自己打好學業基礎和學做人嘅道理，而不是出來「違法達義」做炮灰，「坐監令人生更精彩」！請為人師表者守好職責本份！切勿毀人不倦無視良知和師德！

原圖：星島日報

https://image.stheadline.com/f/680p0/0x0/100/none/3e192fc877fead5e435a4a68c07f5b06/stheadline/news_res/2020/06/21/518782/i_src_404327846.jpg