香港教育嘅失敗千絲萬縷，「通識教育科」屢遭有識之士批評內容「教壞學生」，此其一。其實，通識教育科嘅課程設計，原意係鼓勵學生討論政策及社會議題時，要建基事實作出判斷、尊重他人意見，達到多角度、明辨思考；可惜事與願違，文憑試試題被指過度「政治化」，有任教這科嘅資深教師都常在網上發表仇警言論，甚至參與黑暴！

教材由違法佔中分子編寫

內地官媒的批評一針見血，指有啲通識教材由違法「佔中」分子編寫、煽動抗爭、污名化「一國兩制」。再說，有關教材不必送審，無標準，既有錯誤，更有偏見，並點出「佔領中環」運動發起人，剛被港大以大比數反對其教席的戴耀廷當教材顧問和審查，你話啲通識教材唔側埋一邊就有鬼囉！

日前，部分出版社上載經修訂後嘅勘誤表，當中「今日香港」單元嘅修訂最為明顯，包括刪走「三權分立」定義、把「本土意識」與「民主派」字眼，分別改為「本地意識」及「非建制派」，並修訂多幅諷刺政府嘅漫畫；直指違法行為須承擔法律刑責，並在多處強調不可違法、守法是公民責任等內容。

此外，亦有出版社喺「香港人權法治受保障」為標題嘅內容中，刪去「警方近年的執法方式侵犯人權、損害香港居民集會及示威的自由」、「人大釋法等均衝撃香港司法制度和法治精神」等字句，剩餘人權受《基本法》保障，以及部分評論指本港人權倒退內容。從以上一些例子，已可見未「勘誤」嘅內容有幾咁離譜。

毒果報就話「教局審查替政權洗白，通識教材指鹿為馬」！實情係原有內容才是顛三倒四，依家教育局才執正來做，亡羊補牢，其實都已太遲！有論者就講得啱喇，呢科被譏為「吹水科」，即係廢噏無根，終於吹出個大頭佛！學生「港獨思潮」如雨後春筍，而黃師「毀人不倦」隨風潛入夜，播毒細無聲，終於搞出個烈火暴行嘅反修例示威，幾千個中學生被捕！

教育局沒第一時間正視

教育局好多嘢都冇及時糾正，之前，筆者已指出不少學校放任學生喺校園唱黃歌、築手鏈、堵路阻市民返工等，教育局都冇第一時間正視；教不嚴，固然係師之惰，姑息養奸，絕對係教育局敷衍塞責！若然開學時就執正來做，對有關學校嘅校長問責而不是一句「校本」自管，便放任自流，任由學校無規無矩！最終誤人子弟！

正如識者感嘆：過去通識科都有吹捧本土派，大家睇到今日嘅梁天琦及梁頌恆，一踎監一破產；大好青年，若然教育局一早執正教材打擊黃師，使教育能「正其心」，雙梁即使不是明日政壇之星，也可堂堂正正做一個人，何至淪落到如斯不堪地步！

十年樹木，百年樹人，教育局任重道遠，唔該今後執正來做，切勿再姑息黃師及不盡責搞好校風嘅校長，則學子幸甚！因為即使通識科教材幾咁正確，沒有偏頗，只要教的老師其心不正，一樣會教出「違法達義」的暴徒！治亂世用重典，切勿養奸遺患！

原圖：大公報

http://www.takungpao.com/news/232109/2019/0816/336775.html

http://www.takungpao.com.hk/hongkong/text/2017/1008/117925.html

http://news.takungpao.com.hk/hkol/topnews/2016-09/3366496.html