中美角力激化，美國掀起金融戰線！早前，美國總統特朗普曾指正檢視在美國上市嘅中國企業嘅賬目係咪符合美國會計準則，近日美方擬收緊中企喺美上市嘅要求。據路透社報道，華府顧問向特朗普提出建議，喺2022年1月前，將於美國交易所買賣但未能達到美國審計要求嘅中國企業全部除牌。

美稱冀「公平競爭」

今年 5 月美國參議院通過法案，要求華府加強監管中國上市企業集資。此前，特朗普曾委任財長姆努欽（Steven Mnuchin），以及SEC主席克萊頓（Jay Clayton）等官員參與專責小組，評估點去處置喺美國上市但審計唔符合要求嘅中國企業，並撰寫報告。

財政部表示，華府希望做到公平競爭，喺美上市嘅中資公司要同其他上巿公司嘅標準相同，而小組向特朗普提出建議，所有喺美上巿中企若未符審計要求，將於2022年年初全部除牌。

既然美國一再玩針對，愈見過份，所謂有來必要有往，期待中國出手回敬！

原圖︰網絡圖片