「極品漢奸」羅冠聰喺七月一日港安立法實施前，嚇到三魂唔見咗七魄，急急腳離港了！翌日佢透過香港眾志嘅羣組表示已離開香港，未來會「專注國際連結及民間外交工作，但詳情暫不便透露」云云。

其後，呢位新一代漢奸又喺臉書上廢噏冇謂，正如有論者指佢「自己鬆，叫人衝」嘅嘴臉，實在令人作嘔！佢仲扮晒「正義之神」咁款。佢話國安法實施後，香港能夠承担嘅國際線工作大規模壓縮，風險亦幾何級上升，面對此形勢，必須「有人以港人身份發聲，令各國警惕中共威權擴張，幾經考慮，最終決定承擔這項責任」。仲話不知何時才能重返香港，也預料到此決定會引來各方攻訐。委屈到佢吖！

無恥者最無敵

都真係無恥者最無敵！明明賣港求榮，仲粉飾包裝到成個為香港好，先無奈出走！喂！走你就走，逃你就逃啦！自己周身屎，勾結外國勢力，無所不用其極唱衰國家同香港！仲廢噏乜嘢「港人身份」去「承擔這項責任」？你背叛祖國和香港，你仲想回頭諗住有機會返來香港？夠膽返來，第一件事就以「分裂國家罪」、「勾結外國或者境外勢力危害國家安全罪」拉你呢個極品漢奸啦！

其後極品漢奸同美國國務卿蓬佩奧「罕有地」單獨會面超逾二十分鐘，佢係臉書喜上眉梢，形容呢次交流非常深入具建設性，又將留守香港或被迫遠走他鄉嘅前線手足苦況，盡訴給蓬佩奧知，希望佢「更深入了解香港青年嘅苦難」喎！

「極品漢奸」以為同美國國務卿單獨見面二十幾分鐘，「身價」即提升百倍，佢講嘢，就係真理就係神？叫人哋「深入了解香港青年嘅苦難」？呢啲正一狗屎垃圾嘅無病呻吟！香港青年人有乜苦難咁巴閉？有書唔讀，熱愛烈火暴行街頭！唔珍惜青春，努力學習，畀啲不務正業嘅黃絲教授誤導「違法達義」而做了炮灰！畀訟棍洗腦話「坐監令人生更精彩」而走上勇武激進路，自毀前程，究竟係誰之過？又有毒果報長年累月不斷鼓吹暴力抗爭、叛國禍港就係爭取「港人自由、民主」，這苦難是誰種下嘅孽？

把自己看得太大

羅冠聰這種心態，自以為是，把自己看得太大，廢話甚麼「決定承擔這項責任」，明是危害國家，卻無恥的說是關注香港年青人前途！還要美爹介入！處處制裁香港！

這根本就是紅衛兵心態，一如已逝世嘅當代作家王小波在一篇「救世情結與白日夢」諷刺當年紅衛兵以為自己的胡作非為是「救世主」！劉小波說：假如天下真的在「倒懸」中，你去解救，是好樣的；現在還是正着的，非要在想像中把人家倒掛起來，以便解救之，這就是意淫！

一個極品漢奸，毫無道德是非之心，一味廢噏、意淫，能專注甚麼「國際連結」？吃着狗糧，發你的春夢吧！連結做漢奸，到頭來一定冇好結果嘅噩夢吧！

原圖：羅冠聰 Nathan Law Facebook

https://www.facebook.com/NathanLawKC/photos/a.645858435565493/2277253802425940/?type=3&theater