【世看疫情】侵侵又嚟針對中國,仲要學人「扮代表」,今次搞到吳彥祖都忍唔住發火鬧爆!自美國爆發新冠肺炎以來,侵侵係咁將矛頭指向中國,似想卸責。日前侵侵又玩Twitter治國,話亞裔美國人對中國所做嘅事感到好憤怒,搞到男星吳彥祖睇唔過,留言鬧侵侵嘅言論唔代表佢。
侵侵日前喺Twitter表示,亞裔美國人對中國向美方和全世界所做嘅事情感到非常憤怒,尤其係美籍華人最為憤怒喎!而喺美國長大嘅吳彥祖非常唔認同侵侵嘅言論,喺IG貼上侵侵嘅「偉論」後,用英文留言鬧爆,「YOU DON'T SPEAK FOR US.(你不能代表我們發言)」。
侵侵又被人落面,畀一句「你不代表我」窒到應一應,儘管有晒經驗,但以佢嘅性格,唔知會唔會嬲嬲豬呢?
原圖:無綫新聞截圖、吳彥祖微博
投票已截止,多謝支持